Video
Read full review
2024-03-12
449 views
本身個日同屋企人book咗2位12:45食中午。12:30去到門口已企有幾枱客等緊人帶位（留意返冇人係門口帶位），咁我一齊同啲人就企係度排隊。個經理出黎帶位個陣直接無視咗條隊，帶咗排我後面兩個walk-in嘅客入咗去。咁我就問經理「點解我排緊隊仲有訂位嘅都未有枱，你俾排我後面嘅入先？」個經理就即刻發脾氣同我地排隊嘅人講「你地排好隊啦，唔係我一陣又俾人鬧啦。」我個下聽到已經勁燥底，跟住佢問我幾位，我答佢2位訂咗12:30，佢望咗下時間同我講「依家12:35，你12:45再黎啦」我問佢咁點解排我後面嗰兩個人仲要walk-in都入得，佢答「我地分咗walk-in客嘅枱同訂枱嘅枱，依家訂枱嘅冇位喎」，最好笑係我話咁我依家walk-in佢話唔得。正常有咩可能俾到walk-in客都俾唔到訂咗枱嘅客，佢自己唔睇好個場亂帶啲唔排隊嘅客入，俾人問句點解就發啲脾氣唔俾人入。真心癡線，勁趕客，最後直接去食第二間。
個經理出黎帶位個陣直接無視咗條隊，帶咗排我後面兩個walk-in嘅客入咗去。咁我就問經理「點解我排緊隊仲有訂位嘅都未有枱，你俾排我後面嘅入先？」
個經理就即刻發脾氣同我地排隊嘅人講「你地排好隊啦，唔係我一陣又俾人鬧啦。」我個下聽到已經勁燥底，跟住佢問我幾位，我答佢2位訂咗12:30，佢望咗下時間同我講「依家12:35，你12:45再黎啦」
我問佢咁點解排我後面嗰兩個人仲要walk-in都入得，佢答「我地分咗walk-in客嘅枱同訂枱嘅枱，依家訂枱嘅冇位喎」，最好笑係我話咁我依家walk-in佢話唔得。正常有咩可能俾到walk-in客都俾唔到訂咗枱嘅客，佢自己唔睇好個場亂帶啲唔排隊嘅客入，俾人問句點解就發啲脾氣唔俾人入。
真心癡線，勁趕客，最後直接去食第二間。
Post