Video
Read full review
2018-08-23
1041 views
墨西哥向來盛產辣椒，據說全球約有一半的辣椒都是生長於墨西哥境內，由紅色、黃色、青色，以至綠色等的辣椒，都應有盡有，所以每次提起吃墨西哥菜，總給人辛辣的印象。不過筆者近日就應友人邀約，來到堅尼地城爹核士街這間墨西哥餐廳「11 Westside」，品嘗了多款地道墨西哥菜，發現那裡的菜式，不但唔會一味死辣，而且更依足墨西哥傳統多菜少肉的方法來烹調，實在令人驚喜。原來店子入口好神秘，要經過其他鋪頭，走入小巷，上埋樓梯才找到。沒想到原來這裡地方頗大，而且餐廳入面佔咗一半係酒吧。未踏入餐廳前，還以為店內會以經典嘅闊邊墨西哥帽子、仙人掌擺設等作裝飾，沒想到映入眼簾，是不經修飾的水泥牆身，加上壁上的流線型燈具、雲石餐桌，以及金色裝潢的酒吧，設計概念非常破格，完全跳出傳統框框。餐牌很簡單，一張過，分成底面兩頁，有前菜、玉米餅、特色小食、主菜同甜品，另外亦有一份飲品餐牌。好友向來識飲識食，所以點菜任務就一於交由她發板。先點飲品，我揀嘅呢杯 Agua Verde ($60)，係由菠蘿、薄荷葉、龍舌蘭及蜜糖等炮製而成，味道飲落有點似 Mojito，冰涼清爽，一掃盛暑的悶熱。至於友人點嗰杯就叫做 No Make
原來店子入口好神秘，要經過其他鋪頭，走入小巷，上埋樓梯才找到。沒想到原來這裡地方頗大，而且餐廳入面佔咗一半係酒吧。未踏入餐廳前，還以為店內會以經典嘅闊邊墨西哥帽子、仙人掌擺設等作裝飾，沒想到映入眼簾，是不經修飾的水泥牆身，加上壁上的流線型燈具、雲石餐桌，以及金色裝潢的酒吧，設計概念非常破格，完全跳出傳統框框。
餐牌很簡單，一張過，分成底面兩頁，有前菜、玉米餅、特色小食、主菜同甜品，另外亦有一份飲品餐牌。好友向來識飲識食，所以點菜任務就一於交由她發板。
先點飲品，我揀嘅呢杯 Agua Verde ($60)，係由菠蘿、薄荷葉、龍舌蘭及蜜糖等炮製而成，味道飲落有點似 Mojito，冰涼清爽，一掃盛暑的悶熱。至於友人點嗰杯就叫做 No Makeup (Her Vice) ($120)，用上熱情果、青檸、薄荷茶同薑等製作，據說味道亦不俗，入口清新又 refreshing，醒胃提神。
先來一客 Guacamole 牛油果醬配粟米脆片，點完菜後，見服務員推著一架餐車走近，原來店員會即席在客人面前將新鮮的牛油果搗爛，再混合青檸、紅洋蔥、辣椒、墨西哥白芝士及芫荽等製成又香又滑的牛油果醬，可以用來伴金黃香脆的粟米脆片吃。如果想食得豐富啲，客人亦可柯打 Guac + Salsa + Chips Combo ($180)，除了有牛油果醬外，還配以一碟莎莎醬同吃，味道天然又健康。
接著是一客 Echo Park Sweet Corn ($58)，呢款其實係墨西哥街頭常見的燒粟米， 不過餐廳就用咗「粟米仔」嚟炮製，面頭灑上芝士粉，並以沙律醬伴吃。玉米筍金黃小巧，入口質感脆嫩，味道鮮美。
跟住係兩款沙律，有 Beetroot Salad ($88) 同 Jardin’s Chef Salad ($78)，紅菜頭沙律用料非常豐富，成品除咗有紅菜頭外，仲有大量火箭菜、橙、開心果粒同羊奶芝士等多種健康食材，超有「營」，再配以清新的橘子香醋汁，賣相賞心悅目，十分適合注重健康的女士！
食墨西哥菜又點可以無 Taco，餐廳現時有 7 款唔同口味嘅墨西哥夾餅可供選擇，仗著人多勢眾，當然要一次過將餐牌掃匀。餅皮據說是自家製作，上桌前略為輕煎，再配不同醬料及餡，每個分量小巧，食完也不會過飽。最好味嘅當然係 Carne Asada ($48)，牛肉燒得夠曬香口。另外 Al Pastor ($38) 味道亦不俗，配料除咗有豬肉外，更加上菠蘿及牛油果醬，可中和油膩感。茹素嘅可以試下 Caulifornia Veggie ($38)，餅皮特別塗上菲律賓 Adobo 醬，再加上烤牛油果及椰菜花，味道濃香可口。
主菜點了 Sea Bass ($280) 同 USDA Hanger Steak ($268)，海鱸魚原條上桌，面頭鋪滿紫洋蔥並伴以意大利青瓜，另配上一小份墨西哥薄餅。鱸魚燒得外香內嫩，配醬料同吃，入口鮮酸辣香，滋味獨特。牛扒亦同樣做得很有水準，食落不但牛味重，油脂香，而且肉質不會太過腍身，有嚼頭。
眨下眼又到甜品時間，其實店裡嘅甜品，選擇不多，只得 Ami’s Tres Leches Cake ($88) 及 Churros III Ways ($78) 兩款。墨西哥三奶蛋糕味道很特別，成品烤好後再浸在三種奶製品入面，包括淡奶、煉乳及全脂牛奶，面頭唧上忌廉，入口綿密濕潤，奶香十足。Churros 即叫即做，炸得金黃香脆，上桌時伴以雲呢拿雪糕同爆谷，加上頂頭的焦糖醬，吃起來層次豐富又不膩口，更為這晚墨西哥美食之旅完美作結。
Post
