鮨政

Open Now

Now Closed

發哥都幫襯嘅餐廳，絕對係餐廳嘅生招牌！其實一個丼飯平平哋$100鬆啲就有交易，不過今晚同老公出去，梗係食得豐富啲啦！👍🏻和牛蕃茄壽喜燒熱辣辣嘅鍋物溫暖咗我嘅肚同胃(⁎⁍̴̛ᴗ⁍̴̛⁎)壽喜燒帶甜，加入蕃茄微微嘅酸度令人食慾大振！和牛色澤粉嫩，入口軟柔，加$30多份烏冬，餐廳會喺你食到一半嘅情況下幫你拎入去廚房煮埋個烏冬，滑嘟嘟索哂味，記住把食剩嘅蛋汁倒埋落個湯底度！👍🏻壽司拼盤三文魚、吞拿魚、油甘魚、帶子、甜蝦、蔥吞拿魚腩、加州卷（6件）每款壽司兩件，刺身豪不吝嗇，極度厚切及肥美，特別喜歡油甘魚薄薄地塗上醬油漬，食落有魚脂香；帶子清甜；加州卷嘅牛油果味道特別出眾！另外壽司裏面已經加上咗Wasabi，如果有敏感或者唔鍾意嘅朋友，記住落單嘅情況下要講聲啊！👍🏻甜品Follow餐廳IG 即送一客甜品🍮朱古力蛋糕雖然唔係好大件，但係勝在層次分明，朱古力味濃郁。