杣‧YASHIMA

Open Now

Now Closed

星期四晚同老公去杣‧YASHIMA食Omakase慶祝。我地揀左$1980+1個個，師傅會係你面前製作，可以目睹成個過程。喜之次同蝦浸係牛蒡湯度，牛蒡味好出，喜之次魚肉嫩滑。鴨胸肉、鰻魚、竹筍、黑豆呢個組合幾特別，鴨胸唔鞋，鰻魚肥美，竹筍好鮮，黑豆甜甜地。海膽、牡丹蝦刺身鮮甜好味。九繪魚、金目鯛、燒大拖羅、赤貝九繪魚即係日本石班，金目鯛用竹葉燻製過，拖羅肥美，赤身爽口。紫色包住白蘿蔔絲同梅子醬黎清一清味蕾。酥炸帆立貝一咬就甩，唔硬，好好食。燒鰆魚 白色係椰菜花醬，綠色係皇帝菜醬，前者個味好似薯蓉，魚肉嫩滑。燒金鯛立鱗燒個皮好脆，魚肉又夠嫩，好正。壽司有真鯛、池魚、春鯛、赤身、中拖羅、燒海鰻，壽司好出色，刺身鮮甜，而飯已經撈左醬油同芥末，全部都好美味。昆布漬海膽第一次食，係凍架，有啲似入口即爆既啫喱，飯又同蟹肉撈埋一齊，好特別。燒北寄貝請我地食，燒既別有一番風味，唔錯。玉子燒好似蜂蜜蛋糕甘，好得意。麵豉湯幾濃味。甜品有靜崗草莓、香印提子、清酒啫喱，清酒啫喱酒味幾濃。