十八座狗仔粉

Open Now

Now Closed

夜鬼想吃香港小食，選擇並不多，今晚特地去了佐敦老店，心裏只想起鴨脾翅，前次去個深水埗店，吃到翅有燶底，之後就沒興趣再去這分店，但今晚去完應該在夏天不會再去，因為實在太熱。大汗踏細汗食住碗鴨脾翅，一路吃一路抹汗，實在揀錯分店。下次我會外賣或者出旺角分店😓。今次翅沒有燶底，材料十足，鴨味濃郁，又多木耳，。魚旦夠辣，我不喜歡吃會發大魚旦，因為咬落去淋哂，所以這個細細彈牙啱我口味。大雜錦，入面有豬腸、豬肚、蘿蔔、豬皮，好入味，加埋秘製辣醬，好味，一路吃一路點番個辣汁。生菜魚肉，正常魚肉及多生菜，對比前三個食物這個就沒什麼特別，係多咗幾條假魚翅。最後緊系我嘅上脾，我鍾意食上脾因為冇咁肥，而且平幾蚊，夠大隻又香口，加埋d翅一齊吃，實在太好味了。不過唔太like全部用發泡膠及紙柸，感覺好唔環保，我食咗五樣嘢總共用咗五樣外賣盒，咁同食外賣冇分別。