魚翅城酒家 (Closed)

外婆生日，一家人巴擺三圍同他慶祝，當然有VIP 房啦．仲有個金色backdrop添！都係食老豆生日果個menu．金融海嘯了一輪，ｄ人都繼續馬照跑，晚飯時段都非常旺，星期日晚成間 full 晒！燒腩仔拼魚唇，燒腩仔一層肥一層瘦，合標準，皮燒得非常脆，細細粒咁，好好味道！魚唇第一次食冷盤食法，都吳錯．西芹炒珊瑚蚌大蝦球，依然係玻璃蝦球，好彈牙爽口，好味道！炸南瓜和花枝丸，比上次食明顯細粒左，不過手打花枝丸都好彈牙，炸南瓜條好香脆甜．原條海參北菇，呢個係要用刀叉享用的．海參都有成六吋長，煮得好入味，好味道，北菇亦好香冬菇味！雞絲翅，翅係散翅，老豆話好過排翅，湯底都吳錯．蒸大老虎斑，魚肉好滑，蒸得吳老又有魚味，好好味道！花膠絲拌小棠菜：同上次一樣好大碟，食極都食吳晒咁多．炸子雞，呢隻雞好有雞味，仲有炸蓮耦拌碟，食了咁多度菜都要食番件．波羅雞粒炒飯同干燒伊麵．我食了炒飯，炒得真係夠乾身，吳錯．當然更加有壽包啦！外婆好開心同我地映了好多相．真係happy!