夢の丼 (Closed)

餐廳以日式簡約裝潢, 座位寛敞, 空間感大, 坐得都幾舒服~雞皮 - 雞皮獨有嘅脂香燒到出晒嚟, 口感脆卜卜, 好正!燒三文魚鰭 - 燒過後魚皮好香脆可口, 外脆內嫩十分滋味!夢之卷 - 三文魚包住炸蝦卷, 卷內嘅炸蝦仲保持到脆卜卜嘅口感, 唔錯!火炙右口魚邊壽司 & 火炙明太子玉子壽司 - 壽司飯味道唔錯, 食材經火炙後變得更滋味!叉燒拉麵 - 湯底充滿豚骨香, 味道香濃, 麵條細滑Q彈, 叉燒肥瘦剛好且入味軟腍!牛魔王+壽喜燒湯底 - 壽喜燒鍋同配料係分開上, 以免食物煲過耐而變老, 套餐配料豐富包括: 美國肥牛片8片、美國一口牛4粒、雞脾肉2件、娃娃莱、金菇、豆腐、雞脾菇, 我地另外仲+左白蘿蔔&大白菜. 壽喜燒湯底味道非常香甜，湯底嘅味道滲入蔬菜及肉類內味道真係一流, 真係好似去咗日本食咁.最後, 食熱辣辣嘅鍋物, 又點少得一罐凍冰冰嘅可樂呢~餐廳食物質素唔錯, 食物種類選擇多, 價格合理, 而且環境都幾適合同朋友聊天相聚, 如果有機會都會再嚟~👍🏻🤲🏻