2 Soon Cafe

Open Now

Now Closed

位於太子嘅「2 Soon Cafe」食物出品唔錯，環境裝修以紅磚為主題都幾靚，略嫌定價較高。*此餐廳收取加一服務費。焦糖慢煮豬腩配汁煮大根及燒京蔥（單點$178），豬腩肉質肥瘦相間，油脂部分食落入口即化，帶有焦糖，整體味道甜鹹；汁煮大根口感軟腍、沒有渣，食落好入味，調味類似壽喜燒汁；燒京蔥味道清甜；燒飯糰採用日本米製作，口感軟硬適中，食落帶點醬油、焦香味道。明太子蟹肉三文魚籽玉子燒（單點$108），表面鋪滿香草，三文魚籽食落好新鮮，蟹肉份量多，味道鮮甜，玉子燒食落好Juicy、蛋香味濃、味道香甜，配以明太子沙律醬食用，味道更佳。慢煮雞胸沙律（單點$98），表面鋪滿即刨巴馬臣芝士，慢煮雞胸肉質未有很嫩滑、但不乾柴，雞味濃香，沙律包括有羅馬生菜、車厘茄、水煮蛋、西柚、香橙，雖然沒有醬汁調味，但食落好清新。Yuzu Sunshine （單點$68），表面鋪有檸檬果乾，採用柚子汁、蔓越莓汁、青檸梳打製作，味道酸溜。白桃烏龍茶（單點$50），味道清香。