安娜餐廳

Open Now

Now Closed

叫左個「全餐」，首先嚟嘅係餐湯同埋多士，我叫嘅係紅湯，我鍾意用多士點湯食。如果單食多士，多士脆嘅，唔會好似有啲餐廳咁烘完都好淋。雖然呢碟野睇落好普通，但係其實我好鍾意食粗薯條，都係果句啦，炸完都係脆嘅，唔會好似平時啲快餐店咁淋曬。不過就真係超唔鍾意三色豆，haha 同行嘅朋友都唔鍾意三色豆。主菜方面，我揀咗黑椒牛扒飯，叫左少飯依然分量十足。如果平時散叫鐵板嘅牛扒，佢會問你想要幾多成熟，不過由於呢個係「全餐」，所以就冇得揀生熟度。雖然冇得揀生熟度，但係都唔會完全熟晒，令到牛扒又鞋又乾，咬落都香牛汁味。最後我同我朋友都太飽，冇食到甜品，甜品可以揀啫喱或者雪糕。