鱻88日本料理 (Closed)

平時我真係好鐘意食鰻魚嫁，但係香港多數都係食鰻魚飯比較少。而我專登上網做功課，知道呢間鱻88原來有唔少嘅鰻魚菜式，有啲真係估唔到。先食沙律。鰻魚喺邊？ 原來入面有炸鰻魚皮啊，佢相對比一般魚皮更薄更脆，感覺好矜貴。之後係一人一盤嘅刺身有甜蝦、帶子、間八魚。呢到嘅甜蝦真應該係我食過最甜嘅！帶子放喺檸檬上面，帶出鮮味。之後係鰻魚年糕，裡面鰻魚幾多，不過年糕都幾大，會有飽肚感。之後係鰻魚天婦羅，第一次咁食，啖啖鰻魚，外脆內軟。重頭戲！鰻魚荷葉飯！加上鰻魚汁去燒到外皮香脆！飯又有荷葉飯香！飯嘅份量好少！可以繼續食啦。最後係鰻魚玉子蛋糕！呢個真係幾驚喜，點上糖漿，好香好味。