Video
Read full review
2013-01-12
729 views
雖然知道鰂魚涌有好多小店，但質素確實都幾參差。之前嚟過食lunch，覺得超唔得！係勁難食（雖然都爆，可能係我唔啱口味），只此一次。但經過金剛小儀推介後，今次再嚟食晚飯，確實又有驚喜喎！三個人叫了三個飯面同兩個小食。廣島蠔、鮮蝦伴辣茄汁意大利粉：辣辣哋都約惹味~~砂鍋焗海鮮飯：勁多芝士，海鮮只係有蝦、魷魚、蟹柳，但茄汁底撈埋個飯幾好味！個汁係鮮茄加茄膏煮成的，好濃！ 煙三文魚野菌忌廉汁扁意粉：普通啦~~~小食：煙肉香草田螺焗薯蓉：係新鮮焗的，田螺已經起殼，要在薯蓉堆中尋找，味就普通啦！唔算話好特別！軟芝士千島醬焗廣島蠔：Highly recommend!!! 超好食！蠔又香，又肥又飽滿！最難得的係蠔已經鏟起，墊咗生菜先拎去焗！最勁係唔乾得嚟，又唔會出水！完全係心機之作！（唔駛好似出面咁，好驚鏟咗隻蠔過對面，失禮死人！）
廣島蠔、鮮蝦伴辣茄汁意大利粉：辣辣哋都約惹味~~
砂鍋焗海鮮飯：勁多芝士，海鮮只係有蝦、魷魚、蟹柳，但茄汁底撈埋個飯幾好味！個汁係鮮茄加茄膏煮成的，好濃！
煙三文魚野菌忌廉汁扁意粉：普通啦~~~小食：
煙肉香草田螺焗薯蓉：係新鮮焗的，田螺已經起殼，要在薯蓉堆中尋找，味就普通啦！唔算話好特別！
軟芝士千島醬焗廣島蠔：Highly recommend!!! 超好食！蠔又香，又肥又飽滿！最難得的係蠔已經鏟起，墊咗生菜先拎去焗！最勁係唔乾得嚟，又唔會出水！完全係心機之作！（唔駛好似出面咁，好驚鏟咗隻蠔過對面，失禮死人！）
Other Info. :
晚飯都係心機之作，唔錯！但portion 唔算大，大食o既朋友可能未必夠！
Lunch 真係好難食，完全似罐頭質素。
等候時間較長（>20 minutes)，如果趕，千祈唔好考慮！
舖位唔係太大，格局屬真真正正o既"小店"！
(The above review is the personal opinion of a user which does not represent OpenRice's point of view.)
Post
