Video
4-min walk from Exit B, Quarry Bay MTR Station
continue reading
Payment Methods
Above information is for reference only. Please check details with the restaurant.
Recommended Dishes
Signature Dishes
Review (28)
Weekend訓到晏一晏先落街搵食！走左去鰂魚涌太古坊果邊，經過呢間小店，見到門口張餐牌整得好有心思好特別，所以停低左望下，本來都係埋去望下個餐牌，點知老闆娘見到我地企喺門口望，就走左出黎介紹，推介左幾款午餐，見老闆娘咁有誠意，午餐嘅價錢又唔貴就走入去試下。餐廳好細，唔夠十張枱，但係環境亦算不錯，唔會太迫，感覺骨子，整體亦乾淨整潔。我叫左秘製馬來肉骨茶配燒豬仔脾同白飯，老公就揀左招牌龍蝦濃湯配原隻海蝦、免治雞肉同野菜泡飯。order 午餐可以以半價加點飲品，我揀左水蜜桃茶，老闆娘好細心主動問我需唔需要少冰或者走冰，有時候就係呢d細微嘅位令客人記住呢間餐廳呢！肉骨茶係馬來西亞式，藥材味濃，但隱隱約約亦食到少少新加坡式肉骨茶嘅胡椒味，聽老闆娘(其實佢並冇話過自己係，只係我同老公都當佢係！哈哈！）講佢地係綜合左馬來西亞同新加坡嘅口味，不過唔理佢咩味，最緊要係好好味就得啦！飲完肉骨茶真係成個人暖哂，好舒服！豬仔脾醃得唔錯，咬落亦唔會太硬，肉好容易離骨，確實唔錯！點知老公嘅泡飯原來比我嘅肉骨茶更加出色，大大隻海蝦爽口彈牙，絕不欺場！最正係個龍蝦湯底！真心甜加鮮味，絕唔會過咸，老闆娘話係每一日用波士頓龍蝦新鮮肴製，再加上大量五顏六色嘅蔬菜，又好味又有營養！最重要係食飽之後完全唔口渴，對於對味精非常敏感嘅我黎講絕對係非常好！香港地已經愈來愈少家庭式經營嘅小店，好多都係連鎖式食肆，所以身為百分百香港人嘅人都一定會支持支持！更可況食物質素確係高呢！我同老公都話一定會翻兜呢！
continue reading
「夢」與「愛情」從來都是密不可分的，愛情為追夢旅程締造原動力，點點滴滴交織成夢想的天梯。 踏入海堤街的太古坊小蘇豪，蘊藏著由夫妻檔經營的溫馨小店，由老公下廚，老婆試味，完美展現愛與夢想的交替，多年來努力不懈實現心願，滿足味蕾之餘，頓時心裏泛起一絲暖意。 Bistro Lobby小店大廚絕對名不虛傳，大廚Kelvin為星級大廚Harlan G的弟子，曾任著名五星級酒店大廚，小店食物質素具五星級酒店水準，熱情有禮的老闆娘貼心照料著每桌來賓，難怪電視台美食節目爭相推介Bistro Lobby，兩口子暖心追夢情懷真教人羡慕！ 海堤街旺中帶靜，兩旁佈滿特色小店，難得市區中享受片刻寧靜，Bistro Lobby裝潢簡潔雅緻中帶個性品味，門面平凡不花巧，甫進門便感受到回家的感覺，屬香港難得的慢活優閒私房餐廳，讓人身心放鬆。 砂煲焗海鮮飯 ($78) 大廚Kelvin不斷鑽研新菜式，小店必吃菜式當然包括砂煲焗海鮮飯，發揮創意利用煲仔飯crossover西班牙海鮮飯，中西合璧刺激味蕾。砂煲焗海鮮飯用棕色砂煲盛載著，老闆娘細心提示砂煲燙熱要小心，賣相精緻亮麗，砂煲可保留焗海鮮飯餘温，熱氣令米飯更吸收海鮮精華。 砂煲焗海鮮飯的亮點是濃厚杰稠的茄醬，大廚專程利用茄膏加上新鮮蕃茄煮成，質感零舍濃厚，品嚐到原汁原味的茄醬味道，滲透入每粒米飯當中，令西班牙海鮮飯層次昇華到另一層次。砂煲焗海鮮飯入爐前於頂層鋪上芝士，焗至金黃色令人垂涎欲滴，瞬間飄出陣陣芝士香氣，海鮮份量十足，半溶化芝士埋藏著青口、帶子、墨魚仔、蝦、蟹拑、魷魚，用料絕對不欺場。 法式干邑龍蝦忌廉湯配迷你脆多士 ($42) 龍蝦忌廉湯確是大廚心血之作，每日用以大量龍蝦頭熬製湯底，秘訣就是加上龍蝦膏共同熬煮，用料講究每天鮮制，一入口便品嚐到自家制的獨特魅力。龍蝦忌廉湯面層細心放置迷你脆多士，賣相相當具備心思，迷你多士咬落香脆爆發蒜蓉香，與龍蝦忌廉湯有互相輝映之效。 細心品嚐新鮮熬製而成的龍蝦湯，首先舌尖上感受到一股濃烈鮮味，繼而散發出啖啖龍蝦膏香氣，之後喉嚨爆發濃郁的干邑酒香，口感異常滑溜甘香，味道層次感豐富無比，確實屬上好的龍蝦湯，令人一試難忘！ 美式烤豬肋骨伴蜜糖煙烤醬 ($168) 美式烤豬肋骨份量十足，上枱頓時散發濃厚燒烤香氣，令人嗅覺味覺為之一振！美式烤豬肋骨的重點在於自家秘製的蜜糖BBQ醬，甘甜中帶有點點烤香，頂層塗上厚厚的一層蜜糖，反映大廚對醬汁的一絲不苟精神，完美勾畫出烤豬肋骨獨特鮮味，實屬大師作品！烤豬肋骨火候控制得恰到好處，完美鎖緊肉汁，散發香濃焦香肉味，骨肉輕易分離，肉質非常鮮嫩多汁，毫無難嚼之感，不愧為出色之作！ 印尼巴東咖哩牛肉飯 ($55) 巴東咖哩牛肉飯這個菜式真的不得不提，肉質嫩滑程度直教人驚嘆，牛肉做到嫩而具嚼勁，入味而保留牛肉原始鮮香，確實令人難以忘懷！印尼巴東咖哩醬汁飄散香料味道，惹味中帶點辣香，重點是醬汁與牛肉融為一體，滲透到牛肉筋腱底層，配上入口既溶化的鮮嫩口感，絕對屬不可多得的佳作！ 日式照燒乳鴿 (需預訂) 大廚Kelvin創新利用日式照燒汁烹調中式乳鴿，烹煮過程絕對非常考功架，首先利用慢火煮至八成熟，最後兩成用高溫把乳鴿表面焦糖化，所以完美鎖住肉汁，營造到外脆內嫩的效果！重點加上自家秘製醬料，品嚐到日本照燒汁風味，燒汁與乳鴿肉汁互相輝映，面頭散發一絲甜意，絕對是不可多得的心思佳作！ 法式脆焦糖燉蛋 ($36) 一頓完美的法式西餐怎可缺少甜點呢？法式脆焦糖燉蛋乃小店鎮店之寶，當然要專程品嚐大師級之作品，以Crème brûlée作結！法式脆焦糖燉蛋用木盤盛載著，精緻地以玻璃碟呈上，Crème brûlée中間擠上忌廉，再細心以藍莓作點綴，燉蛋上的焦糖烤至金黃色，賣相簡單吸引，令人按奈不住！ 輕輕用匙羹敲破面層焦糖，烤香焦糖非常香脆透薄，瞬間與燉蛋融為一體。淺嚐一口，Crème brûlée質感非常creamy幼滑，入口秒速融化於口中，滲出陣陣濃厚蛋香，香郁忌廉味不停在口腔內徘徊，口感豐腴十足，原來大廚用上比例較多的忌廉，不計成本務求達致完美口感，忌廉和奶形成黃金比例，味道濃郁之餘又不會過膩，果真令人難以忘懷！ 意式咖啡Baileys甜酒奶凍 ($34) 再品嚐意式咖啡Baileys甜酒奶凍，確實令人喜出望外！奶凍面層細心倒上Baileys甜酒，輕輕盛載一口，液體的Baileys與固體的奶凍在口中互相輝映，入口溶化並黏於口中，頓時爆發濃厚酒香，甘韻盪漾，咖啡配上酒香迅速飄到喉嚨，加上粒粒咖啡啫喱，好吃程度確實令人非常驚喜！ 美食刺激味蕾感受之餘，最令人感動的是夫妻檔溫馨情懷，抱著一份對美食的執著，不斷鑽研創新菜式，憑熱誠努力追夢，難怪獲美食節目一致好評，絕對值得支持！ 「最佳的調味料，莫過於心靈情懷！」
continue reading
星期五當然要同同事出去食番餐好少少既，就揀左呢間好家庭feel既餐廳~由於星期五既關係，真係好多人，基本上一到lunch time成條街都係人，我地等左差唔多10分鐘就有位~其實見到餐牌樣樣都好想食，但個烏冬我記得好似係鐵膽黎，次次都有既，所以今次就試下其他~日式黑芝麻咖哩豚肉雜菜飯，開頭食以為只係少少辣，點知愈食愈辣，好彩都頂得順肉好嫩，加上有好多菜，感覺好健康~呢個就係經常係menu見到既叉燒豬骨濃湯讃岐烏冬，有一大堆菜係面，另外都有好多粟米，烏冬都好煙un~朋友就叫左原隻鹽焗胡椒紙包雞腿飯~一打開即刻聞到好香~而已雞腿都好大隻整體黎講，食物質素不錯，係逼左少少，但老闆娘都好nice，哈哈
continue reading
已經食過差唔多10次，因為好好食。🍲😋以往在星期日lunch time，有時都要等位，因為成班人去⋯⋯今日（星期五）可能☔️關係，竟然唔洗等，😁推介：虎蝦湯飯 🍲👍🏻👍🏻👍🏻極上海鮮烏冬都好好。用心做嘅 fusion dishes. 🍜 很欣賞。老闆娘服務態度好、有效率、細心！👍🏻👍🏻👍🏻另外，不能錯過 bailey's pudding 🍮It is so GOOD!!!I'll be back!!! (again)
continue reading
最近開左open rice 嘅account 學人寫下食評剛剛經過樓下呢間小店令我記起好多年前嘅經歷好想喺呢度分享....當時我剛搬進鰂魚涌發現呢間小店，夜晚同屋企人食過幾次，食物唔錯起碼唔會hea 煮,服務態度幾好，覺得可以長期幫襯。之後有次星期六下午見到佢地有午餐,諗住夜晚食過幾次都ok,就試下午餐啦應該唔差得去邊。首先唔講食物質素,我同媽咪坐低點餐嘅時候冇留意原來指定左餐茶，唔記得係桃茶定乜，我就講左句：熱奶茶吖唔該（自己諗住最普通野), 點知嗰個老闆娘即時黑面勁倔答我：冇得揀呀!! 指定左架喇!! (語氣似係有野比你飲仲揀!) 重點係好黑面，我個心離一離點解態度同夜晚180度唔同?!唔通因為午餐平D你就當我乞衣?我點餐時態度仲好好冇野得罪佢喎，我睇漏眼你都唔洗咁嘅態度..當時亦只係得兩枱客好清閒，食物質素就麻麻喇。我仲記得嗰日好大雨，佢開左度門見到出面有人企喺度避雨，突然佢又大好人咁笑曬口對住佢地,但我地喺入面幫襯緊你嘅反而要受氣？呢個女人好奇怪我覺得。我都有諗可能我諗多左啫,點知到埋單時佢找番$比我地時一樣,一手掉低D錢多謝冇句keep 住黑面，我心諗你覺得咁蝕就唔好做下午啦，我唔肯定今時今日星期六佢地仲有冇午餐,只係知道weekday 有但行過見到好似其他人負責招呼，唔係佢隔左都有一年，有次夜晚放工我屋企人想食西式野，冇乜選擇下再食呢間貪佢近又唔太貴，佢又變番笑曬口對我地同上次午餐嘅佢完全係兩個人！我冇誇張架，但嗰次亦係最後一次幫襯。亦唔會再幫襯喇..我覺得做生意唔係咁囉，午餐就算賺少D人地都係比緊$食野，唔係免費架，呢D就係人格嘅高低喇..如果唔係嗰次經驗，我都會一直覺得佢幾好人好熱誠正如其他食客一樣。早排見過佢星期六下午時候企喺門口sell 路人，佢望住我地笑笑口（可能認得下我地）但我地冇理佢喇....相信佢自己都唔記得好耐之前曾經露過真面目對人又比人記得喇
continue reading