NEXT Shikaku

Open Now

Now Closed

中環呢間人氣拉麵店新開張，多人到人龍長長🧑🏻‍🤝‍🧑🏽作為Ode▽ 鯛白湯らーめん同座銀雞白湯的姊妹店，質素當然有保證。肚腩唔中意等，當然放工揼個骨再去啦😏夜晚9點基本上唔洗等😋人又少，可以好好享受😚比較中意食拉麵的肚腩豪不猶豫揀左牡蠣白湯拉麵，上得都幾快。配搭上好細心，因為附上青檸俾客人辟鯹🍋而麵上邊都有紫蘇花😍紫蘇特有的味道同花香🌸撈埋麵第一啖食落去真係不得了，雖然湯濃，但係味道好清新🌿抵讚。而牡蠣湯都有少少牡蠣碎，增加左麵嘅口感🍜麵身較軟，吸湯底嘅味道。最後再食埋粒超飽滿鮮甜嘅蠔😆🦪用左15分鐘就食曬啦😍但係肚腩食完第二日有d 肚痌~同埋店播的配樂節奏太快同埋有啲嘈，雖然想營造型格嘅感覺♣️(或者係想人快啲走啦😅)...但同精緻拉麵就有少少格格不入🧐如果呢種音樂去Ｍashi No Mashi 反而幾夾，呢度就有小小影響左食拉麵嘅節奏同心情。