北京老家 (Closed)

個人自細都好上海北京菜~呢晚係尖沙咀搵到北京老家。門口裝修古色古香，京味十足。室內裝潢一樣漂亮。椅子一律採用四平八穩舊式木椅，幾舒服架。每張枱仲有一缸魚，邊食邊賞魚，有趣有趣。先叫小食，上菜~!第一味係涼拌白菜心~雖然係小食，份量一點不小。4至6人食都仲可~味道清爽，有別京菜小食的濃味。牛肉刀削麵~份量一樣超大，係鍋麵size。牛肉唔韌 啖啖肉，京蔥應該落鑊炒過先上鍋，好香口成亮點之一。甜酸骨~甜酸度拿捏剛剛好，肉煮到唔痴骨，一咬就一大塊肉。最後半個甜點，炸銀絲卷。新鮮炸起，表面金黃色，外脆內軟，小朋友就一定中意。