Video
Read full review
2021-09-28
959 views
放工返到去想食日本嘢🇯🇵，於是就喺香港大學站出，行去大道西嗰邊睇吓。嗰度有好幾間日本餐廳，我哋就揀咗食門面最靚仔嘅「夢の丼」。夢之丼($298)，呢碗丼飯以餐廳名命名，換言之即係招牌菜啦😛，魚生內容包括炙燒三文魚蓉、三文魚籽、帆立貝、牡丹蝦、海膽、松葉蟹同左口魚邊。伴旁搭配咗橙味醋汁🍊，店員推介可以將個汁灑上帆立貝一齊食，以提升鮮味。丼飯仲加入咗紫蘇葉同生洋蔥絲，佢哋令到醋飯味道更有層次。由於赤醋無貨，所以以普通醋取替之。花錦魚生丼($188)，餐廳現時做緊特價優惠🈹，呢款魚生丼以半價$94就食到。佢集多款海產於一身，包括三文魚、三文魚籽、白身魚、赤蝦、蟹柳絲、金蟹籽、櫻花蝦、蟹膏豆腐、青瓜、甜蛋同玉子醬油漬等。雖然啲魚生比較碎濕濕，但夾夾埋埋好豐富👍，每啖飯都食到唔同餸。再者，唔好忘記其實飯量好多，飽肚之選🍚！丼飯配送味噌湯及沙律🥗，前者溫度夠晒熱。火炙左口魚邊壽司($28/件)，🍣火炙左口魚邊無得輸，因為浸魚油香逼哂出嚟。蟹黃醬燒蟹膏豆腐($58)，豆腐小食有驚喜，質感好似布丁咁細滑，而且蟹膏味爆香濃🦀，還原度極高。我哋另外仲要咗柔煮鮑魚($98)，肉質唔韌，但略嫌調味較淡。🐟時令
放工返到去想食日本嘢🇯🇵，於是就喺香港大學站出，行去大道西嗰邊睇吓。嗰度有好幾間日本餐廳，我哋就揀咗食門面最靚仔嘅「夢の丼」。
夢之丼($298)，呢碗丼飯以餐廳名命名，換言之即係招牌菜啦😛，魚生內容包括炙燒三文魚蓉、三文魚籽、帆立貝、牡丹蝦、海膽、松葉蟹同左口魚邊。伴旁搭配咗橙味醋汁🍊，店員推介可以將個汁灑上帆立貝一齊食，以提升鮮味。丼飯仲加入咗紫蘇葉同生洋蔥絲，佢哋令到醋飯味道更有層次。由於赤醋無貨，所以以普通醋取替之。
花錦魚生丼($188)，餐廳現時做緊特價優惠🈹，呢款魚生丼以半價$94就食到。佢集多款海產於一身，包括三文魚、三文魚籽、白身魚、赤蝦、蟹柳絲、金蟹籽、櫻花蝦、蟹膏豆腐、青瓜、甜蛋同玉子醬油漬等。雖然啲魚生比較碎濕濕，但夾夾埋埋好豐富👍，每啖飯都食到唔同餸。再者，唔好忘記其實飯量好多，飽肚之選🍚！
丼飯配送味噌湯及沙律🥗，前者溫度夠晒熱。
火炙左口魚邊壽司($28/件)，🍣火炙左口魚邊無得輸，因為浸魚油香逼哂出嚟。蟹黃醬燒蟹膏豆腐($58)，豆腐小食有驚喜，質感好似布丁咁細滑，而且蟹膏味爆香濃🦀，還原度極高。
我哋另外仲要咗柔煮鮑魚($98)，肉質唔韌，但略嫌調味較淡。🐟時令刺身有兩款，分別係深海池魚($68)同真鯛($68)，鯛魚幾好，因為有經炙燒過，半生半熟嘅口感幾得意。
總括嚟講，想食丼飯可以嚟呢度，話晒都係專門店，雖然定價偏貴，不過有唔少優惠做緊，就例如個牛牛牛三重奏都幾吸引，但可惜今日賣哂。最後，餐廳環境唔錯，行暗色調，實屬居酒屋風格🏮。
Post
