Video
Read full review
2021-07-14
47 views
前幾日出街搵食，去左大學站度食日本野。係好高質嘅日本野丫，食物好，侍應好，食到好滿足丫。我哋叫左夢之丼套餐（298蚊），蟹皇醬燒蟹膏豆腐（48蚊），海鮮：包括有塔斯曼尼亞生蠔（當日特價48蚊2隻），柔煮鮑魚（98蚊一大隻），深海池魚（當日特價38蚊2切），甜品就叫左綠茶雪糕。夢之丼套餐包左沙律加有蜆肉嘅麵豉湯。夢之丼係佢最signature嘅丼飯，入邊有帶子，甜蝦，三文魚子，海膽，蟹肉。 所有刺身都好鮮甜 ，好大嚿！飯底 係用咗日本米加埋高湯煮， 好煙韌好香好好味。餐廳每日都會有一個餐牌列出當日減價嘅食物。我就試咗埋深海池魚同生蠔。兩樣食物都鮮甜，生蠔有半隻手甘大，深海池魚厚身，食完好滿足！另外，柔煮鮑魚好大隻，切開有5至6塊！煮到好林身，唔撈醬食嫁話，食到淡淡鮑魚鮮味同醬汁味！如果撈埋佢個蟹膏去食嘅話，就好惹味。最後我哋食左綠茶雪糕作結。本身唔好綠茶嘅我都食晒成碗！淡淡嘅茶香味同牛奶味好夾，雪糕有奶香得嚟又有啲茶味，唔會太甜。救命，好鬼好食😂
我哋叫左夢之丼套餐（298蚊），蟹皇醬燒蟹膏豆腐（48蚊），海鮮：包括有塔斯曼尼亞生蠔（當日特價48蚊2隻），柔煮鮑魚（98蚊一大隻），深海池魚（當日特價38蚊2切），甜品就叫左綠茶雪糕。
夢之丼套餐包左沙律加有蜆肉嘅麵豉湯。夢之丼係佢最signature嘅丼飯，入邊有帶子，甜蝦，三文魚子，海膽，蟹肉。 所有刺身都好鮮甜 ，好大嚿！飯底 係用咗日本米加埋高湯煮， 好煙韌好香好好味。
餐廳每日都會有一個餐牌列出當日減價嘅食物。我就試咗埋深海池魚同生蠔。兩樣食物都鮮甜，生蠔有半隻手甘大，深海池魚厚身，食完好滿足！另外，柔煮鮑魚好大隻，切開有5至6塊！煮到好林身，唔撈醬食嫁話，食到淡淡鮑魚鮮味同醬汁味！如果撈埋佢個蟹膏去食嘅話，就好惹味。
最後我哋食左綠茶雪糕作結。本身唔好綠茶嘅我都食晒成碗！淡淡嘅茶香味同牛奶味好夾，雪糕有奶香得嚟又有啲茶味，唔會太甜。救命，好鬼好食😂
Post
