Seoul Noodles

Open Now

Now Closed

呢間首爾製麵所見到佢係好多地方都有分店，默默地係想食好耐，見到原來旺角都有分店！趁lunch time 可以黎一試🤤1️⃣Combo for two（$308）👉排骨辣湯麵（+$20）佢地每一款麵都配上兩款前菜可以任添😌對鍾意食泡菜既我黎講就非常吸引。另外仲會配上一小碗薏米飯，配上韓國辣醬、紫菜、麻油、泡菜，食麵前可以食兩啖先。排骨辣湯麵佢地既招牌之一！我見人地黎食好多都會食呢款，湯底濃郁微辣，排骨好大件，仲貼心地附上即棄手套，食用方便☺️👉蜆湯麵鍾意清淡派既可以揀蜆湯麵，蜆既份量好多，刀削麵煙韌有口感，食完成碗都幾飽。👉豬肉餃子大大隻又多餡，入面仲有啲粉絲餡👍👉泡菜餃子比起豬肉餃，多少少辣味，更加惹味。👉菜包肉一片片蒸好既五花肉，配上泡菜、蔥，點佢地既醬汁食，肉感同爽脆感一次過食到！2️⃣凍梅子茶（$20）酸酸甜甜，解渴一流！3️⃣零可樂（$18）