Video
Read full review
2019-04-14
290 views
每次想買新波鞋👟，多數都會去旺角波鞋街尋寶，因為嗰頭多店舖，揀啱款又可以格價。早排發現有個叫「The Forest🌴」嘅商場有唔少運動品牌，啱哂熱愛運動嘅朋友，呢度仲有幾間餐廳，我揀咗其中一間喺OpenRice有好多好評👍🏻嘅泰國餐廳🇹🇭🍽試下！😋·餐廳環境都幾靚，好多花同植物嘅裝飾，另有灰白色雲石紋🌫餐枱、金色餐具配黑色紙巾，黑金配搭🖤💛，份外型格！·野食方面，有set menu📋可以揀，都幾抵食，不過我哋2個人想試一d set menu以外嘅菜式，所以散叫咗2個主菜、1個飯同1個甜品，其中3款都係「餐廳推介」嘅菜式（文中第2-4款菜式），夠哂豐富、夠哂飽！😛·🔸 炭燒豬頸肉 • 椰糖芫茜辣汁（$118）豬頸肉🐖切成片狀，唔會太薄身，適當厚度保持口感，而且份量超級多！😱 本身帶有少少辣味，點唔點辣汁都夠味，推薦！😋·🔸 天多尼烤雞 • 斑蘭青咖喱（$108）青💚、紅❤️咖喱二揀一，我哋揀咗前者。咖喱算係比較辣🌶，啱哂喜歡食辣嘅朋友！烤雞🐔同茄子🍆都好惹味，就咁食唔算太辣。雞件表面香脆，好味道；而個人本身好喜歡食茄子，切成長條形嘅茄子，好入味、正！·🔸 燒菠蘿蟹肉炒飯（$138）記得讀書
·
餐廳環境都幾靚，好多花同植物嘅裝飾，另有灰白色雲石紋🌫餐枱、金色餐具配黑色紙巾，黑金配搭🖤💛，份外型格！
·
野食方面，有set menu📋可以揀，都幾抵食，不過我哋2個人想試一d set menu以外嘅菜式，所以散叫咗2個主菜、1個飯同1個甜品，其中3款都係「餐廳推介」嘅菜式（文中第2-4款菜式），夠哂豐富、夠哂飽！😛
·
🔸 炭燒豬頸肉 • 椰糖芫茜辣汁（$118）
豬頸肉🐖切成片狀，唔會太薄身，適當厚度保持口感，而且份量超級多！😱 本身帶有少少辣味，點唔點辣汁都夠味，推薦！😋
炭燒豬頸肉 • 椰糖芫茜辣汁
$118
23 views
0 likes
0 comments
·
🔸 天多尼烤雞 • 斑蘭青咖喱（$108）
青💚、紅❤️咖喱二揀一，我哋揀咗前者。咖喱算係比較辣🌶，啱哂喜歡食辣嘅朋友！烤雞🐔同茄子🍆都好惹味，就咁食唔算太辣。雞件表面香脆，好味道；而個人本身好喜歡食茄子，切成長條形嘅茄子，好入味、正！
·
🔸 燒菠蘿蟹肉炒飯（$138）
記得讀書時期曾經自己整過菠蘿炒飯，可想而知我係幾喜歡呢道菜！🙈 白色底紅色花紋嘅碟，配襯橙橙黃黃🧡💛嘅食材，賣相非常搶眼吸睛！蟹肉🦀鋪喺炒飯上面，撈埋炒飯食一流，另有肉鬆、腰果放喺碟邊，大家可以自選食唔食。值得一提嘅係燒菠蘿🍍，酸酸甜甜非常開胃呀！
·
🔸 芒果糯米飯（$78）
泰國嘅人氣甜品又點少得芒果糯米飯🥭🍚呢！個人認為佢係今餐最出色嘅菜式，味道同賣相都滿分呀！😍 熱辣辣嘅糯米飯淋上椰漿，配埋芒果同椰子片🥥一齊食，好味到邊食邊講「好食」！🤤
芒果糯米飯
$78
24 views
0 likes
0 comments
·
今餐充滿泰國嘅味道，令我回憶起去泰國旅行嘅日子，環境靚、味道好，近近地去「青花」一解對泰國旅行思念都唔錯！🤪
Post
