沙田新強記燒鵝海鮮酒家

Open Now

Now Closed

呢間位於大圍火車站附近嘅老字號酒家，由細食到大，裝修格局都充滿懷舊氣息！葱花蝦米腸入口已食到蝦米香，腸粉皮夠薄，口感滑溜，同葱花嘅清香相輔，高質！豉汁蒸鳳爪色澤深濃，鳳爪軟嫩，骨頭部分帶有一絲嚼勁，有豉汁鹹香，夠入味。菜苗鮮蝦餃大大粒，餃皮晶瑩，薄薄的，菜苗入口甘甘地，估唔到咁清新，毫無油膩感👍金珠鹹水角真係大過粒乒乓波，金黃酥脆，餡料豐富有鹹香。懷舊臘腸包臘味色澤紅亮，有鮮香，趁剛上枱，熱辣辣食就最適合。星洲炒米傳統港式炒米，色澤金黃，咖喱味香濃，有焦香，微辣中帶有微甜，都幾開胃🤤