Video
Read full review
2020-08-05
585 views
今次食嘅係我最鍾意嘅意大利菜，無論係芝士、濃郁的醬汁都係我鍾意食嘅原因。呢間位於大坑嘅餐廳唔算大，目測最多坐20多人到，平時我估都要排隊，趁着而家有機會可以去食下。因為同一大班朋友食，所以有機會試到好多唔同嘅菜，由於叫得太多樣，所以攞幾款覺得特別好食嘅來講。Beef Carpapaccio 凍食嘅薄薄生牛肉片連埋上面啲沙律菜、碎芝士同蘑菇，感覺清新，算係唔錯嘅開胃小菜。Sautted Clams 炒蛤蜊加上白酒汁再配兩塊麵包，新鮮蛤蜊嘅鮮配合白酒汁令味道更加鮮甜，麵包可以沾汁食，其實個汁就咁飲都好正，侍應收返嘅時候連汁都冇剩。Roman Meatballs 應該算我食過頭幾名最正嘅肉丸，亦都係佢呢度出名菜式之一，首先肉丸煮得恰到好處一啲都唔會乾爭爭，加上芝士同埋濃郁嘅蕃茄醬，正到不得了😱 不過佢另外有一個係肉丸配意粉就唔好叫啦，肉丸一模一樣但係加上意粉就俾佢吸，令到肉丸晒好似冇乜汁咁，肉丸係要一大啖汁一齊食先好食㗎嘛⋯⋯Parmesan Fries 薯條就冇乜特別，上面加上刨咗嘅芝士，食之前等芝士溶化會更好食，可用作其他菜式嘅薯菜。Mushroom Risotto 係一個齋嘅意大利飯，
因為同一大班朋友食，所以有機會試到好多唔同嘅菜，由於叫得太多樣，所以攞幾款覺得特別好食嘅來講。
Beef Carpapaccio
凍食嘅薄薄生牛肉片連埋上面啲沙律菜、碎芝士同蘑菇，感覺清新，算係唔錯嘅開胃小菜。
Sautted Clams
炒蛤蜊加上白酒汁再配兩塊麵包，新鮮蛤蜊嘅鮮配合白酒汁令味道更加鮮甜，麵包可以沾汁食，其實個汁就咁飲都好正，侍應收返嘅時候連汁都冇剩。
Roman Meatballs 應該算我食過頭幾名最正嘅肉丸，亦都係佢呢度出名菜式之一，首先肉丸煮得恰到好處一啲都唔會乾爭爭，加上芝士同埋濃郁嘅蕃茄醬，正到不得了😱 不過佢另外有一個係肉丸配意粉就唔好叫啦，肉丸一模一樣但係加上意粉就俾佢吸，令到肉丸晒好似冇乜汁咁，肉丸係要一大啖汁一齊食先好食㗎嘛⋯⋯
Parmesan Fries
薯條就冇乜特別，上面加上刨咗嘅芝士，食之前等芝士溶化會更好食，可用作其他菜式嘅薯菜。
Mushroom Risotto
係一個齋嘅意大利飯，芝士味好香，充滿水份嘅蘑菇令到成個意大利飯冇咁漏，值得一試。
Roasted sucking pig
豬肉超級淋身，基本上唔使用牙咬都可以分開，配合底下嘅薯蓉，實在太好食啦😱
其實大部份嘅嘢都好好食，不過就比較細啲，人多嘅話唔叫多一碟就可能一人只係得一啖。另外有試兩款意粉，不過就一般般，所以如果本着食好嘢嘅心態可以忽略。
Ask For Alonzo (大坑)
大坑蓮花宮西街11號地舖
Post
