活一鮮

Open Now

Now Closed

暑天就係要食涼浸浸嘅嘢，所以嚟到大角咀嘅活一鮮，叫咗個甜蝦魚生飯($75)，朋友就揀咗活壽司套餐($148)🍣估唔到除咗三文魚，仲有2片油甘魚同北寄貝，每塊魚生都厚到刺身咁，色澤亦唔錯、唔係魚光滿滿但絕對唔會暗啞，當食個雜錦刺身都好抵🥰夾起嚟比望落仲厚，三文魚肉厚實、亦有一定鮮味，油甘魚就更加唔洗講，魚味更濃郁，甜蝦亦喺水準之上👍🏻惟一係可以比多啲飯素，因為白飯冇醋味，食起嚟有啲齋，但已經係好抵食嘅丼飯，所以我都好滿意😛朋友嘅套餐有12件壽司同2件玉子燒，魚生食落都好新鮮，油甘魚同三文魚繼續係首選，海膽軍艦亦都夠鮮甜，不過佢都覺得丼飯更抵🤣此終大大塊魚生更滿足，但壽司盛就可以試多幾款魚生😜另外仲叫咗個柚蜜燒牛脷($58)，有8塊薄薄地嘅，表面淋上甜蜜燒汁，但柚子味就真係冇咩🙈牛脷燒得唔錯、幾彈牙，而且魚生飯本身係淡淡地，有比較之下會覺得牛肉味更突出😆