邁爵斯 (福華街)

Open Now

Now Closed

印象中已經係第三次幫襯呢間餐廳，主要因為食物真係大件夾抵食。論服務，其實真係無乜。大部分員工態度感覺都唔係好熱情，甚至可以話係冷漠，如果可以改善下會更好。當日觀察所得，只有一位男店員（可能係老闆？）對客態度睇得出係上心啲，其他女店員多數係唔出聲。-卡邦尼亞意粉 $39卡邦尼亞醬汁幾濃，稠糊程度頗高。意粉基本上都索晒醬汁，唔會有啲零舍乾身咗。以份量咁多嘅意粉而言，做到呢點係幾難得。配上大量煙肉，鹹香得宜。-海苔芥末蝦沙律牛角酥配薯角 $53芥末醬好開胃，配搭蛋沙律同彈牙蝦肉味道頗夾。牛角酥依然烘得好酥脆，麵包香口。淋上蜂蜜嘅薯角甜蜜香脆，終於識欣賞呢種又鹹又甜嘅美妙之處。-熱香芋鮮奶 $24香芋味似係雪糕個種芋頭味，香味都幾強。