有口福 (Moved) New Location

以前大學時最中意同朋友去有口福嗰度食雞煲，因為嗰度嘅雞煲好嘢味，而且價錢亦都唔貴。今次專登入返九龍城，再食多一次雞煲同埋烤魚先！雞煲一向都係必點，點中辣就岩岩好。雞件多而且夠香夠嫩，大量紫洋蔥去提味，唔係任食雞煲可以比較呢😝 再叫多個酸菜烤活魚，半條都夠食，酸菜頗多，而且湯汁亦都好夠酸。芽菜墊底令條魚冇咁易燶，抵讚。開胃菜要左個皮蛋，少許香辣夠晒醒胃，皮蛋要左黃皮蛋更香更甜特別推薦呢度既脆辣雞軟骨，將辣椒炸到超脆，食落唔會辣，只會食到香脆！反而雞軟骨就會食到香辣味，見到都流口水呀！呢個必點最中意佢芋頭有炸過，落鍋煮幾耐都唔會散牛肉都係大推，夠嫩夠重牛味