泰皇閣泰國菜館

Open Now

Now Closed

早排去九龍城食牛肉餅行經泰皇閣，無意間見到佢地有我大愛嘅沙冰出售! 而且沙冰外相好鬼吸晴! 於是同埋女友小熊一齊嚟開餐會吓佢地嘅沙冰.點咗西瓜沙冰同提子沙冰，我地反傳統，沙冰先係主角，哈哈.....當然.... 我地都會點其他菜，沙爹牛肉同雞肉共半打，泰式燒羊架燒雞翼，白𤆥螄蚶，泰式煲仔翅，干炒牛肉金邊河，每款都點一客.感覺泰國人飲食偏甜，所以泰式煲仔翅味道都帶甜，魚翅份量都唔算少無偷工減料㗎.同樣燒羊架，燒雞翼同串燒，未點醬汁已經有甜味，當然點上沙爹醬更惹味啦! 沙爹醬都係味道偏甜唔辣，啱哂我哩D喜甜人士.米粉河粉我鍾意幼細口感，所以點干炒牛肉河都揀金邊粉，河粉幼滑又足料，滿𩜲!小食泰國菜，唔知道泰國菜原來都有螄蚶，唔點醬汁嘅螄蚶鮮甜又爽口，醬汁辣咗D所以無點醬汁.小熊話D汁一D都唔辣，所以俾哂佢慢慢點.沙冰第一時間上枱，沙冰夠味，熱辣辣嘅氣溫飲一啖，噢! 爽YY!其實好多菜都無點，軟殼蟹，生蝦刺身，無計啦！ 肚腩得一個，唯有下次嚟再食過.