聰。C Dessert

Open Now

Now Closed

灣仔排長龍甜品店，佢前身就係食開甜品嘅都識嘅聰嫂，今次就嚟試試。今次幾個人，咁啱有位，所以排咗15分鐘就入到去。食完之後出返嚟條龍長咗勁多。係見到就唔想排嗰隻，建議大家早啲嚟。豆漿白果腐竹薏米甜度適中，薏米有咬口。好有懷舊嘅味道。芒芒麗莎超級足料！入邊有芒果肉、小丸子、椰果同水晶珠。芒果唔會酸。整體甜度適中。鍾意食滿滿配料嘅呢個非常推介。士多啤梨豆腐花面頭係士多啤梨沙冰，入面就係豆腐花。個人覺得呢個配搭幾特別。入面嘅豆腐花好好食。龍眼椰果冰呢個應該就係之前聰嫂嘅招牌甜品，雖然唔係夏天，但係食落都係非常清甜涼快。龍眼肉鮮甜多汁，味道天然。冰底有淡淡嘅椰香味。