Marco's Oyster Bar & Grill (Moved) New Location

聽過Marco's oyster bar & grill 好多年，但每次都只經過而不入。這天再一次經過，見到午市十分旺場，就決定試下。點了lunch set蕃茄焗牛脷飯($62)。餐湯蘑菇湯極有水準，蘑菇味濃又有粒粒蘑菇，口感豐富。牛脷飯也很足料，入面有五六塊牛脷之多，牛脷軟腍，炒飯底亦有誠意，加了蛋炒得夠乾身，還有大量蘿蔔和西芹，誠意之作。加$10還有甜品和飲品，甜品有心太軟 選擇呢！本身$10我期望不大，但成品卻叫人滿意。朱古力漿一切就洶湧而岀，入面蛋糕香甜濕潤，當然朱古力用料和雪糕就一分錢一分貨啦，但lunch都有心太軟食特別開心！欣賞這兒的侍應都十分有禮親切!