手拉麵小廚

Open Now

Now Closed

上次路過，今次同兩個鍾意食上海嘢嘅朋友嚟食嘢，足足叫咗七樣餸，每款都大大碗大大碟，真喺大滿足。大大碗嘅《酸辣湯》，見到又紅又多料，以為一定辣到飛起啦！原來只喺有啲辣，而且辣度適中，唔會辣到無哂味覺，容易入口，好多雲耳配料，完全喺開胃嘅最好選擇！上海菜點少得《小籠包》呢？就咁睇就已經睇到包裏面浸滿哂湯汁，真喺皮薄餡靚。最重要喺包皮夠彈性又有口感，夾起嚟唔易穿。《回鍋肉炒拉麵》又喺好有特色，諗住夾少少試吓啦！點知一夾之吓，成個麵都夾起哂，每條麵粗幼都有所不同，好明顯喺同一個粉團拉出嚟，絕唔喺用機打。而且道辣度又喺啱啱好。而且薄薄嘅回鍋肉彈牙可口。《花雕醉雞》一向都喺小弟嘅最愛，依到嘅醉雞大大隻，只喺碎骨多左少少，但可接受。醉雞肉質有口感之餘，又浸滿花雕嘅酒香，好味！《羊肉搶湯拉麵》當然又喺手拉麵啦，羊肉唔會太羶 ，湯底濃郁，味道合適中，夠味但唔咸，飲咗幾啖湯之後都無飲過水，可見無落味精。《雞絲粉皮》其實同其他店鋪嘅出品差唔多，因為唔喺咩功夫菜。不過粉皮有彈性，唔會一夾就斷，而且勝在有種清新嘅感覺，而且又喺好大碟。《豆沙鍋餅》外脆內暖，豆沙餡甜而不膩，明顯喺天然嘅豆沙甜味，唔錯唔錯。三個人，