帝京軒

認識我既朋友，大概會知道我是帝京之常客，每隔一、兩個月都會到訪酒店的不同Outlet。週五收左工，又約埋大家去中菜廳帝京軒，品嚐佢新既餐單。今期，大玩順德菜~一開波的頭盤，分別有陳皮墨魚餅、手絲雞陳村粉，以及京蔥爆遼參。遼參軟腍入味，口感唔錯，記住要連埋京蔥同吃，那馥郁的蔥香，令遼參更迷人。素來喜歡吃雞絲粉皮，將之換成陳村粉，沾些足量之麻醬，一樣掂！墨魚餅口感彈牙，還有絲絲陳皮香，用料十足，絕無欺場。順德的魚雲羹出晒名，生拆魚雲就是相當花時間的工序，畢竟細骨實在多。生拆後配以濃郁的魚湯，再混入勝瓜絲、木耳絲及鮮竹絲等等的材料，當然仲有花膠，各款材料切得細緻，湯頭熱度夠，喝得舒服。大良炒鮮奶是順德另一名菜，來到酒店，用料自然更矜貴。師傅採用了北海道3.6牛奶，加入鮮銀杏、蜜豆、金華火腿蓉及欖仁等，面頭再整隻大蝦，炒出來更為香滑及有層次，我連底下的脆盞也吃清光。很愛吃筍殼，平時多半是吃油浸，但今次師傅將之起肉去骨，再以豆豉及蒜子去燒焗，魚球咬落啖啖肉，又香口，吃得滋味。污糟雞以銅盤盛載，保留原始風味。雞肉是毫無疑問的入晒味，肉嫩多汁，妙在加入了爽脆之豬肚，層次感更為豐富。蒸籠上桌，眼見薑絲