肥公車仔麵

Open Now

Now Closed

知道佢係長期人龍店，特登過左Lunch Time 先嚟，3點幾嚟到，排左5-6個人，好快排到叫野食，位置都得返門口高枱位。食物方面好夠份量，每個餸都好多件，唔知係咪我少食，同出面啲車仔麵比，覺得有好多餸，特別係冬菇同埋雞翼尖嗰啲，好似食極都有咁～我第一次嚟，見食評話佢份量已經比之前少左，really？！因為3點幾都未食過野，堅肚餓，一野就叫左粗麵4餸+豆漿，係覺得個麵底唔係好入味，其他餸：冬菇、雞翼、蘿蔔、魚蛋就好滿意都好夠味👍同意大家講個環境係污糟同埋無服務，特別係我張枱前面嘅醬料位佈滿大家食麵彈出嚟嘅湯汁，所以唔好要求咁多，入嚟只求食碗麵就好，但總結都覺得佢幾大碗又抵食，絕對會再嚟。