勁餃笑

Open Now

Now Closed

唔講唔知原來香港都有幾多餃子店，呢間位於紅磡嘅一條巷仔內，店內環境唔大，木系為主調，主打唔同餡料嘅湯/煎餃，除此之外亦有少量主食同小食供應，長期Full House，建議早去。湯煎餃分為6/8/10隻，可雙拼。款色多，唔知食咩好嘅亦可點Omakase。韭菜、白菜、椰菜同香蔥係基本款，餡料飽滿，菜肉比例適中，而且皮比想像中薄身，幾有驚喜。相比之下個人更喜歡煎餃，食落脆身唔油膩，但湯餃都唔錯，而且湯底清甜帶香氣。本身以為食唔飽所以加咗兩個麵，但佢哋嘅餃子真係幾大粒，除非大家好大食啦！麵有湯或撈，麵條亦有得選擇，要咗拉麵同扁麵，麵條吸飽湯汁，軟硬度適中、撈有埋冷麵，夏天食十分解暑，不過略嫌醬汁可以俾多少少，唔係嘅話點出面自助區嘅醬都可以。