Flagship

Open Now

Now Closed

大街小巷之《Flagship》灣仔既大街小巷隱世小店Flagship，餐廳唔算好大，門口有outdoor位，而裝修有外國小店feel，亦有閣樓，餐廳整體燈光較柔昏暗，職員每一道菜都會介紹，Beef Tartare：係牛肉他他，用生免治牛肉配以洋葱、喼汁等調味，牛肉上放上一隻生既鵪鶉蛋黃，牛肉味濃，入口爽滑。Apple Puree Tomahawk Pork：21天成熟既豬扒先會經過12小時慢煮，後再慢煎，用慢煎煮到約8成熟左右，切開豬扒時，肉心呈粉嫩色，主廚係控制火喉上落左唔少功夫，配上蘋果碟豆花醬汁，酸酸甜甜，味道不錯，配料焗蒜、雞髀菇、翠肉瓜都焗得好香。Carbonara Chinese Style：昇華版既卡邦尼意利，用咗金華火腿同臘肉，中西合璧煮法特別，金華火腿既鹹香同臘肉油香令整道菜，味道層次更豐富，而不同之處無用忌廉汁，而用左蛋黃做獎汁，入口有蛋香口，意粉口感煙韌，而意粉每條都沾滿蛋黃汁，味道不錯。總結，食物有驚喜，價錢不貴，環境舒服可以同朋友傾到計。