Misu Seafood Cuisine

Open Now

Now Closed

朋友約了我到灣仔請食晚飯， 帶我到Misu Seafood Cuisine 吃海鮮晚餐。 𨋢門一打開見到有個很大的魚缸養了很多新鮮海鮮，店內環境燈光柔和， 非常有情調的一間餐廳。 餐牌上有套餐和散叫， 我們揀了精選套餐$288一位（時令野菜沙律， 刺身三款，空運即開生蠔兩隻， 新鮮立魚湯伴鮮蜆，活鮮蟹鮑魚汁焗飯， 是日甜品）， 見到價錢抵食，所以點了這一款。時令野菜沙律～ 沙律菜好新鮮，清新健康。刺身三款～ 有三文魚，甜蝦和劍魚腩， 三款刺身都很新鮮， 劍魚腩和三文魚很肥美，甜蝦鮮甜。空運即開生蠔兩隻～ 即開生蠔特別新鮮， 蠔味很濃， 海水味很重。新鮮立魚湯伴鮮蜆～ 白雪雪的魚湯， 入口很滑， 飲到又鮮甜的魚味， 每一碗有一隻大蜆。活鮮蟹鮑魚汁焗飯～ 餐廳當晚沒有蟹，所以用龍蝦代替， 龍蝦肉爽甜彈牙， 配上用鮑魚汁焗的飯， 食落特別鮮味又香。是日甜品～ 火龍果雪葩， 甜甜酸酸，非常清新。朋友升職請食飯特別開心，今次他揀了這間餐廳，食物質素高質，地方舒適。 食材非常新鮮，我見到師傅在魚缸裏拿出海鮮， 再入廚房烹調， 感覺特別用心。