Video
Read full review
2021-09-30
95 views
見到酒樓門口有晚市三寶推介，其中有兩樣都係心水，一於入去試試佢心水1號海皇冬瓜盅（$108）我見都係每台必點之一，大大個冬瓜盅原隻上，瑤柱鮮蝦鴨肉菇香，料頭充足，飲得出係無味精，消暑解渴冇得頂，兩個人飲咗8碗都仲有剩！真係抵到你唔信！心水2號京色片皮鴨半隻（$88）片皮鴨份量唔少，皮好脆但唔肥，有d連住肉更有口感，夾住熱辣辣嘅餅皮同配料一齊食，好滿足。冰鎮咕嚕肉（$168）呢款係店員推薦，餐牌上係無嘅，本身我無乜大期望，因為前面嗰兩樣已經好抵食。一上台好震撼，擺盆顏色精美，打卡無得輸！大大舊咕嚕肉外層香脆，帶點涼快感，裡面夠熱夠淋又入味，有d似冰火嘅感覺，真係十級推介！我一定會再返來食！酒香藥膳糯米雞（$188）OMG😱 估唔到又係大大份，荷葉酒香撲鼻，雞件滑溜而且多肉少骨，糯米吸收曬紅棗黨參味，感覺好滋補養生，難得酒樓都有咁正宗！真係心服口服！
見到酒樓門口有晚市三寶推介，其中有兩樣都係心水，一於入去試試佢
心水1號
海皇冬瓜盅（$108）
我見都係每台必點之一，大大個冬瓜盅原隻上，瑤柱鮮蝦鴨肉菇香，料頭充足，飲得出係無味精，消暑解渴冇得頂，兩個人飲咗8碗都仲有剩！真係抵到你唔信！
心水2號
京色片皮鴨半隻（$88）
片皮鴨份量唔少，皮好脆但唔肥，有d連住肉更有口感，夾住熱辣辣嘅餅皮同配料一齊食，好滿足。
冰鎮咕嚕肉（$168）
呢款係店員推薦，餐牌上係無嘅，本身我無乜大期望，因為前面嗰兩樣已經好抵食。一上台好震撼，擺盆顏色精美，打卡無得輸！大大舊咕嚕肉外層香脆，帶點涼快感，裡面夠熱夠淋又入味，有d似冰火嘅感覺，真係十級推介！我一定會再返來食！
酒香藥膳糯米雞（$188）
OMG😱 估唔到又係大大份，荷葉酒香撲鼻，雞件滑溜而且多肉少骨，糯米吸收曬紅棗黨參味，感覺好滋補養生，難得酒樓都有咁正宗！真係心服口服！
Post
