Video
Read full review
2024-08-03
163 views
商務二人前 $510呢個套餐包以下嗰啲嘢食，包埋一杯汽水同雪糕，並且包$88嘅主食，超過嘅話補差價就得了～雖然話係二人前，但係我覺得三人嚟食都ok，因為真係超飽😚八爪魚柚子醬醋沙律呢個好好食！有八爪魚條、麵包碎等，調味都好好，酸酸甜甜好fresh好開胃～另外仲有味增湯同小菜可以無限refill，最推薦牛舌同茄子，超好食～A4宮崎和牛海膽蓋丼 $188呢個真係癲咗，一大pat海膽，加埋鋪滿成個碗嘅和牛，真係大癲！和牛油脂好香，非常柔軟滑嫩，而海膽非常鮮甜新鮮，完全綜合左海洋同陸地嘅鮮味甜味，非常好食！流心熔岩蛋三文魚飯 $98本身以為係三文魚碎or熟三文魚，點知其實係厚切嘅炙燒三文魚，介乎半生熟嘅口感真係好正，撈埋上面炙燒過嘅芝士同醬汁，仲有溫泉蛋食，真係好正🥰四味五花肉（黑椒鹽，韓式醬汁，葱蒜，果味醬汁）呢個真係勁澎湃勁大條，好單純嘅肉香油脂香，男朋友最鍾意黑椒鹽，我就鍾意韓式醬汁多啲，黑椒鹽同蔥蒜係最可以保留到肉本身嘅香味嘅，而韓式醬汁同果味醬汁比較惹味啲，兩種都好正～雪糕（芒果）食咗咁多野嚟杯甜品就最好了，我哋都有啲驚訝我哋仲食得落🤣
呢個套餐包以下嗰啲嘢食，包埋一杯汽水同雪糕，並且包$88嘅主食，超過嘅話補差價就得了～雖然話係二人前，但係我覺得三人嚟食都ok，因為真係超飽😚
八爪魚柚子醬醋沙律
呢個好好食！有八爪魚條、麵包碎等，調味都好好，酸酸甜甜好fresh好開胃～
另外仲有味增湯同小菜可以無限refill，最推薦牛舌同茄子，超好食～
A4宮崎和牛海膽蓋丼 $188
呢個真係癲咗，一大pat海膽，加埋鋪滿成個碗嘅和牛，真係大癲！和牛油脂好香，非常柔軟滑嫩，而海膽非常鮮甜新鮮，完全綜合左海洋同陸地嘅鮮味甜味，非常好食！
流心熔岩蛋三文魚飯 $98
本身以為係三文魚碎or熟三文魚，點知其實係厚切嘅炙燒三文魚，介乎半生熟嘅口感真係好正，撈埋上面炙燒過嘅芝士同醬汁，仲有溫泉蛋食，真係好正🥰
四味五花肉（黑椒鹽，韓式醬汁，葱蒜，果味醬汁）
呢個真係勁澎湃勁大條，好單純嘅肉香油脂香，男朋友最鍾意黑椒鹽，我就鍾意韓式醬汁多啲，黑椒鹽同蔥蒜係最可以保留到肉本身嘅香味嘅，而韓式醬汁同果味醬汁比較惹味啲，兩種都好正～
雪糕（芒果）
食咗咁多野嚟杯甜品就最好了，我哋都有啲驚訝我哋仲食得落🤣
Post
