燒肉屋 (清風街)

今天要介紹的餐廳係位於天后，係一間日韓居酒屋，主打燒肉。餐廳的裝潢以日本居酒屋做主題。食物就提供不同類型既肉類比客人去燒。除此之外，餐廳亦好創新地設計左和牛生日蛋糕同燒肉慶祝花束，咁就適合一班朋友或者情侶過黎慶祝啦。時令海膽 $198海膽望落有半板咁多，海膽入口即溶又軟滑，有少少嘅海水味而且唔會腥味，除左可以直接食之外仲可以包埋紫菜一齊食。原條厚切牛舌 原條厚切牛舌上枱真係好吸引， 兩個人食一條已經差不多飽。店員教先將牛舌燒一分鐘，之後反轉再燒一分鐘，等肉開始熟就可以剪開成粒狀，再燒到理想熟到就可以食，有需要亦可以叫店員幫手。 牛舌食落彈牙有咬口，點鹽一齊食會更好食。四味五花肉有四條醒花肉，每條都有唔同口味，分別係果味醬汁、蔥蒜、黑椒同韓式醬汁，建議由淡味食到濃味，每條肉都好入味。 我地覺得韓式醬汁五花肉係最正因為食落辣辣地好惹味。如果覺得太膩的話可以包生菜食。燒肉屋 (天后)天后清風街10號清風大廈地舖港鐵天后站 A2 出口, 步行約4分鐘