Video
Read full review
2023-07-05
271 views
[ Tempura Jiro ]由日本師傅主理嘅天婦羅廚師發辦，平常壽司Omakase就聽得多，天婦羅Omakase要試試先😋Lunch omakase course $880/pp✿ 葡萄蟹肉湯葉🦀🌿呢款喺凍食，蟹肉好鮮甜，湯葉有d似腐皮，入口細滑，好清新味道。✿ 花竹蝦蝦頭及花竹蝦🍤第一道天婦羅喺炸花竹蝦蝦頭同花竹蝦，蝦頭炸得好脆，炸後仍然保留到蝦頭原狀，好精緻✨，可以整個食，脆卜卜。而花竹蝦肉部分好鮮嫩。✿ 茄子🍆選用日本茄子，外皮香脆，內部柔軟。✿ 椎茸茹🍄椎茸茹較一般菇味濃郁，口感軟身，香氣獨特，而且營養價值高。✿ 太刀魚🐟太刀魚肉質鮮美，入口不油膩。✿ 北海道粟米🌽來自北海道粟米，特別之處粒粒飽滿，味道甜美。✿ 蟹肉高湯茶碗蒸🍲綿密質地&淡淡蟹香味加埋高湯，湯汁清澈鮮甜。✿ 和牛紫蘇葉和牛肉質柔嫩，外層有炸過紫蘇葉包裹住，兩樣搭配一起，好有風味。✿ 海鰻魚海鰻切成條狀連魚骨一齊食，沾天婦羅醬汁食，味道更加提鮮。✿ 九洲紅遙番薯🍠外皮呈現紅色，內部橙色肉質，炸起黎口感柔軟，味道較甜。✿ 味噌湯日本傳統味噌湯，有好多蜆肉，湯底好鮮甜。✿ 帶子蝦餅飯帶子蝦餅炸得金黃酥脆，入面有紫
由日本師傅主理嘅天婦羅廚師發辦，平常壽司Omakase就聽得多，天婦羅Omakase要試試先😋
Lunch omakase course $880/pp
✿ 葡萄蟹肉湯葉🦀🌿
呢款喺凍食，蟹肉好鮮甜，湯葉有d似腐皮，入口細滑，好清新味道。
✿ 花竹蝦蝦頭及花竹蝦🍤
第一道天婦羅喺炸花竹蝦蝦頭同花竹蝦，蝦頭炸得好脆，炸後仍然保留到蝦頭原狀，好精緻✨，可以整個食，脆卜卜。而花竹蝦肉部分好鮮嫩。
✿ 茄子🍆
選用日本茄子，外皮香脆，內部柔軟。
✿ 椎茸茹🍄
椎茸茹較一般菇味濃郁，口感軟身，香氣獨特，而且營養價值高。
✿ 太刀魚🐟
太刀魚肉質鮮美，入口不油膩。
✿ 北海道粟米🌽
來自北海道粟米，特別之處粒粒飽滿，味道甜美。
✿ 蟹肉高湯茶碗蒸🍲
綿密質地&淡淡蟹香味加埋高湯，湯汁清澈鮮甜。
✿ 和牛紫蘇葉
和牛肉質柔嫩，外層有炸過紫蘇葉包裹住，兩樣搭配一起，好有風味。
✿ 海鰻魚
海鰻切成條狀連魚骨一齊食，沾天婦羅醬汁食，味道更加提鮮。
✿ 九洲紅遙番薯🍠
外皮呈現紅色，內部橙色肉質，炸起黎口感柔軟，味道較甜。
✿ 味噌湯
日本傳統味噌湯，有好多蜆肉，湯底好鮮甜。
✿ 帶子蝦餅飯
帶子蝦餅炸得金黃酥脆，入面有紫蘇葉，加入特制天婦羅醬油，撈起來食口感好豐富。
✿ 靜岡縣清心蜜瓜
最後飯後甜品，來自靜岡縣清心蜜瓜🍈好甜夠冰凍👏🏻，可以清新一下口腔嘅味道。
總結🫦
由日本🇯🇵廚師發辦，嚴選當日新鮮食材，大概10-12道菜，份量足夠。而且食材優質，讚不絕口，喜歡食天婦羅🍤嘅朋友值得一試。
✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿
Tempura Jiro
地址：中環士丹利街50號信誠廣場地下E號舖
電話：27808666
✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿
Post
