Video
Read full review
2022-12-04
583 views
近排天氣轉涼，又係時候四圍滾，家陣有間好介紹，眾所周知，有米芝蓮光環加持，基本上已是質素的保證，要得到青睞已難，更何況是一間以火鍋聞名的食肆！位於灣仔的美味廚，火鍋湯底已經有驚喜。脆脆椰香三杯雞湯，好有台式風味，表層的麵包糠令人以為係大件疏乎厘，加上椰青及椰奶，質地濃稠，當煮返滾時，表面慢慢漲起，裂縫中洩出水蒸氣，好似微型火山爆發一樣，賣相相當震撼。海鮮類即劏龍蝦想食得矜貴，當然要食爽甜的龍蝦，就算當刺身食，一樣無問題，因為新鮮已勝過一切。另一款係加拿大蟶子，啖啖都係肉，最開心係洗得好乾淨，毫無砂粒，放入湯灼幾下食得，好鮮甜又彈牙。海麻蝦又係火鍋常客，一隻隻用竹籤插住，仲要預先去掉蝦頭，食用時更加方便。最後是本地九孔鮑魚，大廚細心地把鮑魚去除內臟之餘，更加花，令鮑魚易熟，以免灼得太耐而肉質變韌。肉類牛肉先來手切雪花牛頸脊，肉味濃郁，滾十零秒就食得，太耐肉質會變韌。日本鹿兒島A4肉眼和牛雪花分佈平均，有若大理石紋，有種入口即化的感覺。豚肉日本鹿兒島黑豚肉眼肉質鬆軟，有嚼口，而且好香肉味，不錯。丸類店方的名物，除了湯底，丸類都是其中之一。三杯雞肉丸台式三杯雞的進化版，而且無骨好啱我。沙茶
近排天氣轉涼，又係時候四圍滾，家陣有間好介紹，眾所周知，有米芝蓮光環加持，基本上已是質素的保證，要得到青睞已難，更何況是一間以火鍋聞名的食肆！
位於灣仔的美味廚，火鍋湯底已經有驚喜。
脆脆椰香三杯雞湯，好有台式風味，表層的麵包糠令人以為係大件疏乎厘，加上椰青及椰奶，質地濃稠，當煮返滾時，表面慢慢漲起，裂縫中洩出水蒸氣，好似微型火山爆發一樣，賣相相當震撼。海鮮類
即劏龍蝦
想食得矜貴，當然要食爽甜的龍蝦，就算當刺身食，一樣無問題，因為新鮮已勝過一切。
另一款係加拿大蟶子，啖啖都係肉，最開心係洗得好乾淨，毫無砂粒，放入湯灼幾下食得，好鮮甜又彈牙。
海麻蝦又係火鍋常客，一隻隻用竹籤插住，仲要預先去掉蝦頭，食用時更加方便。
最後是本地九孔鮑魚，大廚細心地把鮑魚去除內臟之餘，更加花，令鮑魚易熟，以免灼得太耐而肉質變韌。肉類
牛肉先來手切雪花牛頸脊，肉味濃郁，滾十零秒就食得，太耐肉質會變韌。
日本鹿兒島A4肉眼和牛
雪花分佈平均，有若大理石紋，有種入口即化的感覺。
豚肉
日本鹿兒島黑豚肉眼
肉質鬆軟，有嚼口，而且好香肉味，不錯。
丸類
店方的名物，除了湯底，丸類都是其中之一。
三杯雞肉丸台式三杯雞的進化版，而且無骨好啱我。
沙茶醬蚵仔釀牛丸辣辣地，牛丸中間仲有隻蚵仔，又毫無腥味。
酸菜胡椒白肉丸有雞有牛當然有豬肉，配上酸菜及胡椒，今次就似豬肚湯 feel。
若閣下係素食者，請放心，一樣有素丸提供。
鳳梨合桃素牛丸作為素餃子，有果香同甜酸，又有合桃的嚼口，食落又有牛丸的味道，的確係好得意的組合。
淮山杞子圓肉素豬肉丸話就話豬肉丸，但味道令人覺得似清補涼。
手工餃子
充滿了台風，好多款都係餐廳自行研發，單係每款食一件都夠飽。
再加上蟲草花木耳素豬肉餃，就算是素食都有好多選擇。
滷肉冬菇餃好似食緊台灣滷肉飯的感覺。
菜脯蛋豬肉餃加入菜脯有種爽脆的口感，不錯。
北京填鴨餃真係好似食緊北京填鴨，有趣。
鹹牛脷芝士餃真係好特別，鹹牛脷有嚼勁加入芝士有濃郁的香味。
厚切午餐肉食火鍋又點可以無午餐肉？仲一定要厚切，啖啖肉滿是油香，正。
雜菇
雜菜盤
非常豐富，已經有心裡美、金菇、甘筍、娃娃菜、皇帝菜、冬菇及生菜。
其實仲有精選台式食品，當中包括台灣鴨血、台灣鹽滷豆腐、脆炸甜不辣、虎皮豆腐以及香煎台灣豬肉腸。
趁住家陣凍凍地，鍾意火鍋既朋友，又想搵間有水準又夠特別既餐廳，美味廚的確係一個上佳選擇。Post
