沙田友冰室 (Moved) New Location

呢幾晚都天寒地凍，同老婆大人都話食番啲暖身既。行過《沙田友》門口，見到坐出面一兩枱D 煲仔飯熱辣辣，就試吓佢喇！叫左最穩陣既窩旦牛肉飯，老婆就食西洋菜鯇魚湯飯；湯飯個魚骨湯底飲得出少（或冇）味精，飲落肚暖立立，吾錯！老婆大人就話D 魚多骨，都揀左一輛去曬骨先食D魚片。個煲仔飯最後出，等左十五分鐘喇；連蓋上，煲蓋一開，D 熱騰騰既飯香標出黎，合乎預期既。免治牛粒鋪面中間係流心蛋，跟埋碟XO 醬豉油；對我嚟講，煲仔飯既重點係D 飯焦，天寒地凍咬住仆仆趣飯焦同友好天南地北本來就好開心既事。《沙田友》既煲仔飯 都有焦既，少左D但有既，都基本上達到咗化骨龍爸既要求。可惜免牛味少咗D，肉飯比例吾夠，去到尾變成「齋爬飯」扣左D 分。最後要贊一贊杯奶茶。杯茶底本身好飲。我個人嫌太細杯吾夠喉潻👏🏻見好多前文講伙計服務，我哋嗰枱冇問題既，茶記黎講，可以話幾好潻。伙記落單速度上菜手法屬正常，亦幫忙跟左單。唯獨個別伙記講野係大聲既，不過呢度係港式茶餐廳，個人又吾覺咩一回事。