Video
Read full review
2024-03-28
136 views
太子真係好多野食, 呢間餐廳位於係太子站附近, 經過幾次都覺得呢間嘢好吸引, 舖位細細但成日都好多人排隊; 所以今日放工即刻同朋友一齊食。佢用嘅係真材實料, 份量好足, 好大碗, 夠哂飽, 重點係唔貴。除咗主打雞湯仲有多款小食及跟餐飲品。招牌癡花膠雞濃湯米線 - $68見到係招牌喎, 當然要叫嚟試下; 用鑊仔上嘅花膠雞濃湯, 好似食緊一人火鍋咁, 夠哂熱, 雞湯底好濃郁, 好似濃縮咗嘅雞精華, 雞湯用雞熬過一定有少少油, 花膠都有好多小件, 雖然薄薄地但口感實在, 滑捋捋, 都幾癡口; 雞肉質都算嫩滑, 配濃雞湯味道特別突出。米線同湯係分開上的, 花膠雞濃湯滾起再淋上米線上食, 米線爽滑, 濃湯又可掛上米線上。姬松茸竹笙花膠雞米線 $78呢個湯底較花膠雞濃湯清甜, 飲得出沒有味精, 有姬松茸, 竹笙, 紅棗, 蟲草花一齊煲, 松茸, 竹笙有降低膽固醇和血壓, 多夠哂滋補, 花膠養顏, 真係一煲攪掂哂。呢個都係一人一鍋形式上菜, 可以保持溫度, 慢慢食都唔會凍。金磚豆腐 $42我地仲叫多一個小食, 金磚豆腐, 炸得好脆, 外脆內滑, 豆腐的表面灑上一些椒鹽, 七味粉, 特別惹味, 仲可點
招牌癡花膠雞濃湯米線 - $68
見到係招牌喎, 當然要叫嚟試下; 用鑊仔上嘅花膠雞濃湯, 好似食緊一人火鍋咁, 夠哂熱, 雞湯底好濃郁, 好似濃縮咗嘅雞精華, 雞湯用雞熬過一定有少少油, 花膠都有好多小件, 雖然薄薄地但口感實在, 滑捋捋, 都幾癡口; 雞肉質都算嫩滑, 配濃雞湯味道特別突出。米線同湯係分開上的, 花膠雞濃湯滾起再淋上米線上食, 米線爽滑, 濃湯又可掛上米線上。
姬松茸竹笙花膠雞米線 $78
呢個湯底較花膠雞濃湯清甜, 飲得出沒有味精, 有姬松茸, 竹笙, 紅棗, 蟲草花一齊煲, 松茸, 竹笙有降低膽固醇和血壓, 多夠哂滋補, 花膠養顏, 真係一煲攪掂哂。呢個都係一人一鍋形式上菜, 可以保持溫度, 慢慢食都唔會凍。
金磚豆腐 $42我地仲叫多一個小食, 金磚豆腐, 炸得好脆, 外脆內滑, 豆腐的表面灑上一些椒鹽, 七味粉, 特別惹味, 仲可點埋甜辣醬食。
咸檸梳打 - 跟餐+$12
咸檸梳打咸咸酸酸, 味道清新, 好飲。
雙檸樂 - 跟餐+$12
呢杯幾特別, 用新鮮檸檬加咸檸, 再加可樂, 唔錯。
Post
