Video
Read full review
2024-07-30
152 views
最近有啲回味日本嘅居酒屋，於是就嚟咗呢一間位於太子嘅「朝」日式居酒屋。佢嘅位置距離太子地鐵站非常近，只係需要大概3分鐘就能夠到達。入面嘅裝修係行黑暗日式風，有去咗日式居酒屋嘅感覺之餘亦都保留香港嘅味道。٩(˃̶͈̀௰˂̶͈́)و紫蘇辣蜆（凍） $88 呢一味小食感覺好特別，有啲似泰式生蝦嘅醬汁，配上冰涼嘅蜆肉感覺非常特別，酸酸甜甜咁非常開胃😼。左口魚邊蟹柳卷 $88左口魚邊切得好厚身，而且入口有濃郁嘅油香出晒嚟，配埋蟹柳壽司，整體口感好豐富之餘，亦都好有層次。吞拿魚腦天三切 $138 吞拿魚腦天質素非常之高，入口油香十足，而且極有吞拿魚香味。豆腐蕃茄沙律 $68天氣凍嘅時候最適宜就係食一個清涼嘅沙律菜豆腐份量非常多，而且好嫩滑，配上蕃茄清新同生菜爽口嘅口感，為夏天帶來一點涼爽。炸甜蝦 $68炸軟殼蟹就食得多，甜蝦真係比較少食，但係因為佢炸得好爽口，所以感覺都好出色好脆。炸原條金鯛 $138之前都食過炸金鯛，對於佢口嘅歌一層皮感覺好難忘，今次係呢一度完全食到以前嘅感覺，皮好脆口，配埋魚肉嘅嫩滑，整體好夾🙂↔️。月見墨魚棒 $48墨魚棒配上雞蛋醬，令到墨魚棒面頭有一層蛋香，而且墨魚肉入面好爽口，整體味
٩(˃̶͈̀௰˂̶͈́)و
紫蘇辣蜆（凍） $88
呢一味小食感覺好特別，有啲似泰式生蝦嘅醬汁，配上冰涼嘅蜆肉感覺非常特別，酸酸甜甜咁非常開胃😼。
左口魚邊蟹柳卷 $88
左口魚邊切得好厚身，而且入口有濃郁嘅油香出晒嚟，配埋蟹柳壽司，整體口感好豐富之餘，亦都好有層次。
吞拿魚腦天三切 $138
吞拿魚腦天質素非常之高，入口油香十足，而且極有吞拿魚香味。
豆腐蕃茄沙律 $68
天氣凍嘅時候最適宜就係食一個清涼嘅沙律菜豆腐份量非常多，而且好嫩滑，配上蕃茄清新同生菜爽口嘅口感，為夏天帶來一點涼爽。
炸甜蝦 $68
炸軟殼蟹就食得多，甜蝦真係比較少食，但係因為佢炸得好爽口，所以感覺都好出色好脆。
炸原條金鯛 $138
之前都食過炸金鯛，對於佢口嘅歌一層皮感覺好難忘，今次係呢一度完全食到以前嘅感覺，皮好脆口，配埋魚肉嘅嫩滑，整體好夾🙂↔️。
月見墨魚棒 $48
墨魚棒配上雞蛋醬，令到墨魚棒面頭有一層蛋香，而且墨魚肉入面好爽口，整體味道都相當不錯。
豚肉菜包卷 $48
又係另一味有種食緊泰式菜肉包嘅感覺，但係入面係包油香十足嘅豚肉，加埋生菜一齊食，令到油膩嘅感覺完全降低。
明太子雞肉棒 $52
佢嘅雞肉棒整體嚟講質素都唔錯，而且因為啱啱燒好，熱辣辣非常香口。
抹茶蕨餅 $58
甜品方面，今次叫咗佢嘅抹茶蕨餅。整體嚟講味道唔會過甜，如果有埋一杯熱茶就更加開心。
烏龍燒酎 $88
日本威梅 $78
Post
