朝

Open Now

Now Closed

黎到太子呢間居酒屋「朝」，門口位同埋一入去都見到大大既月亮裝飾，入面佈滿日本海報，仲有手寫廚師推介牌，日本風滿滿🏮1️⃣朝邪惡玉子燒（$108）我就係衝住那個玉子燒而黎😙玉子燒食落就夠濕潤，甜甜地，中間係拉絲既芝士，再加上面頭既蟹籽👍2️⃣甲羅燒（$128）蟹膏、蟹肉、香蔥、蟹籽，在同蛋黃拌勻，成個過程好療癒🥰擺上鱈魚脆片上面食，充滿鮮味。3️⃣慢煮廣島蠔配法包（$128）廣島蠔好大粒！擺上件法包上面都覺得有啲墜手😆加埋啲菇、同脆口既法包一齊食正！4️⃣鹽燒白鰻串（$68）白鰻皮燒至微脆，肉質爽彈，擠上青檸汁更加好味。5️⃣海膽帆立貝海苔包（$148）帆立貝厚身而且好鮮，加上海膽、三文魚籽，一啖食！多重口感係口腔爆發🤩6️⃣月見雞肉棒（$48）雞肉棒帶軟骨，有啲口感，配上蛋汁冇得輸！7️⃣牛舌（份）（$98）勁靚，牛舌粒軟嫩可口，配上蒜蓉芥末醬，酸甜解膩😋8️⃣富士山柚子梳打（$58）9️⃣日本果酒（蜜桃）（$58）比想像中大杯，酒味唔算重幾易入口～