Video
Read full review
2022-09-25
1142 views
講真之前真係俾佢個餐廳名吸引咗！@痴膠雞 @crazychickenhk除咗個名好似成日鬧人或俾人鬧個句咁,睇真D原來佢地個招牌菜真係膠雞,花膠 + 雞🐔! 所有湯米線都會一窩🏟連爐上,一邊滾♨️住個湯,一邊可以食入面嘅湯料,等個湯唔會凍落來失原味,而麵線會分開上,唔怕浸到淋哂 店家會按人頭免費送上自家煲製嘅羅漢果菊花茶,好少餐廳會有羅漢果茶飲,呢度仲要送俾你之餘,杯飲品一D都無馬乎,堅有羅漢果味,清熱消暑呀！ 🔮招牌痴花膠雞濃湯米線 🐔 個湯底真係無得輸,果然係招牌,自言不加味精,真材實料熬製而成,多口問店家,原來佢地個湯底係用咗雞殼,雞肉,猪骨,鯊魚骨加埋自家秘方熬咗半日,湯頭熬到變成奶白色,飲落口感濃郁而且有清甜嘅鮮雞湯味,真係好正！個窩入面大概有5～6件雞,同3件花膠,全部都係雞脾肉,肉質嫩滑.花膠炆得好腍又入味,咁既價錢有咁多料,其實都幾抵!👍 🔮藥膳黃油雞湯米線 🐔 同事E見個名咁養生所以就揀呢款,我飲咗佢頭啖湯,em....應該都係果煲好好味嘅膠雞湯做湯底然後再加紅棗,枸杞,北旗,黨參,再滾,藥材味不算太濃,不過食落有種好保身既感覺,同事都讚個湯好飲,想食好嘢,心理&身理上
除咗個名好似成日鬧人或俾人鬧個句咁,睇真D原來佢地個招牌菜真係膠雞,花膠 + 雞🐔!
所有湯米線都會一窩🏟連爐上,一邊滾♨️住個湯,一邊可以食入面嘅湯料,等個湯唔會凍落來失原味,而麵線會分開上,唔怕浸到淋哂
店家會按人頭免費送上自家煲製嘅羅漢果菊花茶,好少餐廳會有羅漢果茶飲,呢度仲要送俾你之餘,杯飲品一D都無馬乎,堅有羅漢果味,清熱消暑呀！
🔮招牌痴花膠雞濃湯米線 🐔
個湯底真係無得輸,果然係招牌,自言不加味精,真材實料熬製而成,多口問店家,原來佢地個湯底係用咗雞殼,雞肉,猪骨,鯊魚骨加埋自家秘方熬咗半日,湯頭熬到變成奶白色,飲落口感濃郁而且有清甜嘅鮮雞湯味,真係好正！個窩入面大概有5～6件雞,同3件花膠,全部都係雞脾肉,肉質嫩滑.花膠炆得好腍又入味,咁既價錢有咁多料,其實都幾抵!👍
🔮藥膳黃油雞湯米線 🐔
同事E見個名咁養生所以就揀呢款,我飲咗佢頭啖湯,em....應該都係果煲好好味嘅膠雞湯做湯底然後再加紅棗,枸杞,北旗,黨參,再滾,藥材味不算太濃,不過食落有種好保身既感覺,同事都讚個湯好飲,想食好嘢,心理&身理上又想保吓身子嘅可以來試吓！
🔮椰子雞米線🐔
宅男同事難得跟我地出來食lunch, 跟住姨姨去食嘢,哈哈,藥膳養顏佢都唔care,所以佢揀椰子雞來食。費時佢返到公司話我大蝦細,所以我無貪試佢果窩,不話佢都有俾評語我. 椰子湯底真係用椰子來煲🥥,個窩有好多椰子肉,所以有椰香味又清甜,飲真D應該有落埋椰子水來煲個雞湯咁,都好好味！而且雞件分量都好多!男仔都食得飽！
🔮金磚豆腐
其實即係椒鹽豆腐,外脆內軟,有水準既小食
🔮椒鹽粟米 🌽
咸咸地辣辣地嘅椒鹽炒埋甜粟米,好惹味呀！而且小食來講都幾大碟,可推介呀！
招牌痴花膠雞濃湯米線
$68
20 views
0 likes
0 comments
椰子雞米線
$58
18 views
0 likes
0 comments
藥膳黃油雞湯米線
$60
23 views
0 likes
0 comments
金磚豆腐
$28
36 views
0 likes
0 comments
椒鹽粟米
$28
41 views
0 likes
0 comments
羅漢果茶
35 views
0 likes
0 comments
Other Info. :
絕對相信店家係畫功了得既漫畫家,牆上都係粉筆畫成嘅漫畫,同埋手稿,睇得明嘅人一定會會心微笑😜.店家好welcome客人食哂個麵,打包埋個湯番屋企飲,唔好哂嘢！佢地可以免費提供埋外賣盒俾客人㖭！
(The above review is the personal opinion of a user which does not represent OpenRice's point of view.)
Post
