Video
Read full review
2023-08-08
200 views
聽朋友講佢最近食左間夫妻檔西餐，老闆之前係中上環既西餐廳做左超過10年既廚師，而點解叫吉氏係因為老闆叫阿吉😆聽完有興趣所以都想黎體驗下，唔洗去中上環都可以食到高質既西餐麵包呢個係老闆娘自己整，識整麵包都係因為自己小朋友先學整麵包🥯滿滿的愛💕蕃茄水牛芝士沙律（半份）$54水牛芝士淡淡既酸甜味，唔乾，質地係較固體，用番茄、黑醋、橄欖油一齊食用，係一款清新可口既經典沙律是日餐湯粟米濃湯*2 $70呢個粟米濃湯非常濃郁，將粟米粒攪碎融入湯入邊，一嚟令到湯嘅質感更加濃稠，口感更順滑。威靈頓牛柳 $338-五成呢個小編非常鍾意食，外層酥皮唔會太厚，夾層蘑菇醬非常香濃。值得一提嘅係酥皮切完唔會甩皮甩骨非常加分。入邊仲有鵝肝，口感豐富。牛柳火候控制非常好，唔會乾唔會柴，肉感軟嫩。西班牙燒乳豬 $218聽講呢個係餐廳嘅一個主打。乳豬外皮燒得非常香脆，好似食薯片咁。肉質非常嫩滑，中間脂肪唔會厚，但非常香會回甘，雖然邪惡但非常享受。酸菜亦都非常推薦，除咗酸亦都帶有甜味，中間會有少許煙肉，味道非常有層次。巴伐洛娃蛋白餅 $68首先外型已經非常打卡，主體大致分為兩層，由上層嘅cream到下層嘅烤過蛋白霜。配以多
聽完有興趣所以都想黎體驗下，唔洗去中上環都可以食到高質既西餐
麵包
呢個係老闆娘自己整，識整麵包都係因為自己小朋友先學整麵包🥯滿滿的愛💕
蕃茄水牛芝士沙律（半份）$54
水牛芝士淡淡既酸甜味，唔乾，質地係較固體，用番茄、黑醋、橄欖油一齊食用，係一款清新可口既經典沙律
是日餐湯粟米濃湯*2 $70
呢個粟米濃湯非常濃郁，將粟米粒攪碎融入湯入邊，一嚟令到湯嘅質感更加濃稠，口感更順滑。
威靈頓牛柳 $338
-五成
呢個小編非常鍾意食，外層酥皮唔會太厚，夾層蘑菇醬非常香濃。值得一提嘅係酥皮切完唔會甩皮甩骨非常加分。入邊仲有鵝肝，口感豐富。牛柳火候控制非常好，唔會乾唔會柴，肉感軟嫩。
西班牙燒乳豬 $218
聽講呢個係餐廳嘅一個主打。乳豬外皮燒得非常香脆，好似食薯片咁。肉質非常嫩滑，中間脂肪唔會厚，但非常香會回甘，雖然邪惡但非常享受。酸菜亦都非常推薦，除咗酸亦都帶有甜味，中間會有少許煙肉，味道非常有層次。
巴伐洛娃蛋白餅 $68
首先外型已經非常打卡，主體大致分為兩層，由上層嘅cream到下層嘅烤過蛋白霜。配以多款新鮮水果嘅甜品。上層美味嘅甜空氣感比較重下層烤過嘅蛋白霜外脆內軟，甜度更加升級。配埋酸酸甜甜的水果為呢餐晚餐作結。
Post
