TIRPSE

Open Now

Now Closed

香港食貴嘢真係好唔值。放假抗疫抗到癡呆，諗住搵啲好東西刺激吓味蕾。呢間曾經以開業後最快速度摘得東京米芝蓮一星的法國餐廳，就趁著放假去品嘗一下。粟米湯，用青森粟米，唔夠甜，配魚子醬和北海道海膽，各有各自己的味道，一啲都唔融和。岩手蠔冇蠔鮮，湯底亦只係死咸味，好彩有啲椰菜絲帶番清新啲嘅味道。宮崎和牛都算入口即溶，但配搭黑松露太搶，浪費晒，個汁亦發揮唔到提味作用。唯獨紅菜頭蟹肉卷叫做好啲，伴碟用了hazelnut snow係第一次食到呢種味道，沙律菜沾滿了紅菜頭嘅菜甜，叫做特別啲，不過蟹肉都係冇鮮味。甜品係湯葉包住pina cotta和鮮桃肉，有啲薑汁，仲有白朱古力餅碎，配搭peach sorbet，啲鮮桃肉應該有層糖水coating，照計依家都仲算係日本桃嘅時令，啲桃食落去一啲refreshing嘅鮮水果感覺都冇，肉質並不是爽脆那種，而是粉糯的口感。東京嘆米芝蓮，同一價錢，同等級同類料理，可以食兩餐（午餐）。