寶寶雞煲 (Moved) New Location

半夜飲完酒想搵 D 野食，去左呢間寶寶雞煲。當時都十二點幾仲有好多客。由於同行有人唔食得辣，我地就叫左個唔辣雞煲，手切肥牛同幾款菜。個雞煲唔夠濃，D 雞係冇味同鞋口，湯入面都幾多味精。手切肥牛就幾好食，都夠花同唔太薄。另外叫左個冰豆腐，放左落煲吸收晒所有湯，如果個湯濃 D 舊豆腐就會超正。環境就一般啦，好似好舊咁，不過食雞煲都唔會要求靚環境。坐得都算舒服。服務方面，D waiter 態度唔太好，埋單個陣，我地明明飲左好多支都係三十幾蚊既 Asahi ，但佢就唔知有心定無意入左我地全部都係飲五十幾蚊既 1664。好在醒目睇下張單。