The French Table (Moved) New Location

可能睇見大家比既食評都比較正面﹐所以對呢間餐廳既期望高左。而因為咁﹐我覺得好失望。簡單既裝修﹐開放式廚房﹐用上暖色調同埋暗既燈光作配搭﹐比人感覺幾浪漫 。適合情侶或者兩公婆過special day。但遇著家庭客或朋友聚會都會幾吵鬧。店入面只得一位小廚師﹐年紀輕輕﹐我相信應該唔係負責人掛~~如果以新手黎講﹐食物都算係不過不失。但餐廳或私房菜既話﹐我會有更高既期望。所以我唯一可以比呢位小廚師既意見係「你D廚藝真係要再加把勁」。頭盤鹅肝配紅桑子汁 (無相片) - 雖然鹅肝外脆內軟﹐但油太多 (比紅桑子汁還要多)。白汁鹅肝雲吞 - 味道一般﹐汁好稀。龍蝦湯 - 煮太耐同埋調味料唔夠﹐飲落口比較澀 (如果可以加多少少cream可能會好d)。主菜澳洲和牛面珠肉 - 有少少失望﹐感覺好似煮好左再用焗爐返熱﹐肉質好乾。但薯容好好味。美國黑毛豬 - 無黑毛豬既味道。甜品蘋果批- 蘋果太乾﹐食落口好似分開食緊個酥皮同蘋果 (唔可以溶為一體)。法式焦糖燉蛋 - 太多糖係表面同埋太多香草籽﹐食唔到有蛋味。