黃金茶寮點心專門店 (Closed)

無拉拉五點幾行過，有好多餐廳未開始做，於是中左入來，見到有甜品有點心有原盅燉湯都幾吸引咁。中意飲湯當然叫左個花膠燉尾龍骨，出到來都有三粒炸豬皮咁樣既花膠既，但系味道同滾水差不多失望。Total叫左六樣野，落單就只同我地落四樣，明明剔系同一張紙都睇唔到，食左之後暗暗好彩，當省返啲錢。叫左個紫薯芝麻荔枝球，賣相十分可愛，送來的時候個盤有兩分野，我地話個紫薯球系我地架，一於唔聽，送左去其他臺，擺低個春卷比我地，跟著隔離臺話紫薯球唔系巨地架先又送返過來，跟著話比巨知春卷唔系我地架，巨又將兩樣野全部拎走，返去問過先再比我地真系唔知怎講好了，最慘系味道…啲荔枝味好似焗過水既變質荔枝。再來個排骨陳村粉，排骨滿滿一碟，陳村粉就無影，我以為巨上錯，一問，巨話系底，抄落去睇真啲，系有三舊粉系度，但系唔系透明爽滑的陳村粉，食落似普通腸粉，樓下啲檔口仔賣既都好食啲，不過排骨就幾嫩滑，所以只可以當蒸排骨咁食，陳村粉是不存在的。