割烹 櫓杏 (iSQUARE國際廣場)

Open Now

Now Closed

我嘅女朋友一直都好鍾意日本餐，所以決定喺佢生日嗰日帶佢去食一餐好嘢嘅日本餐。上個星期有幸識到呢間店，覺得食物同裝修都幾唔錯，就決定帶女朋友嚟呢度慶祝生日啦。就喺前幾日，女朋友生日嗰晚，我哋嚟呢度食晚餐。一入門口，佢就發現咗好可愛嘅熊本熊，仲有好多日式嘅布置。然後就帶住歡樂嘅心情入去用餐。當晚，我點咗女朋友鍾意嘅牛腸。呢度有一set嘅牛腸鍋，入面有各種各樣嘅菜，豆腐，牛腸，然後醬油清湯做湯底。雖然呢個牛腸嘅味道非常正，但係煮透咗嘅湯底更加濃郁，更加吸引我女朋友嘅味蕾。佢居然將大部分嘅湯都飲晒。然後仲點咗佢鍾意嘅鰻魚。呢個鰻魚非常新鮮肥美，佢食得津津有味，顯露出一臉滿足嘅樣子。再嚟就係鮮魚壽司三件套，入面有拖羅同吞拿魚蓉軍艦，第三個會由廚師決定。佢哋嘅壽司處理得非常靚，鮮魚亦都好新鮮，鮮嫩多汁。由於都非常好食，感覺仲未夠喉，我哋最後仲加點咗一樣鷄頸肉。佢哋煮得啱啱好，睇落去就好有食慾，食起嚟亦都非常美味。食完咗，嗰個味道仲一直喺嘴度徘徊。我同女朋友都好鍾意呢度嘅食物，期待下一次嘅到嚟。