築間酸菜魚

Open Now

Now Closed

朋友推介的台式火鍋，講到天花龍鳳，係滄海遺珠咁款，去到以為入錯地方，台式？火鍋？自助？吓？半自助形式，每位最低消費$100，但自助區的份量，大概只應付到10人左右？當日幾乎滿座，夾完一轉再睇已經冇乜野淨，樓面得2個人，serve得客都冇手refill，甚至要大嗌加湯嘅舉手！或許店家怕浪費食物，大可以由食客手機點埋餐，食幾多由廚房執，好過「自助」的機會都沒有。食物方面，質素一般，$100的肉食，少過任食火鍋傳一次菜的份量。同桌點了兩份魚，連同訂座額外會有一份魚，合共三份，最後只送來一份，是但啦。主打的酸菜魚，鍋底好巧妙地是「酸菜」魚湯，而非「酸菜魚」湯，冇魚嘅酸菜魚湯只有酸菜，店家話返我地冇聽佢介紹個餐牌，酸菜魚湯係冇魚架！同桌邊食邊嬲，餐廳冇乜冷氣又熱又焗，火上加火，快手食埋轉場。店家最大兼最易解決問題，都係人手嚴重不足，建議都係增加返下人手，樓面同廚房冇咁忙，先可以有返少少服務。而作為食客，都係乖乖地去任食嗰種台式火鍋算數喇。