Video
Read full review
2022-10-06
259 views
見網上對呢間壽喜燒評價好高，就同朋友嚟咗一試😬早一個禮拜打去book枱，好多時間都full晒最後book咗星期六食5:30🫠一入舖頭已經聞到濃濃嘅壽喜燒味道，我哋二人被安排咗喺靠牆嘅二人枱，一坐低員工已經奉上一壺綠茶同問我哋嚟過未。如果未嚟過，就會介紹Menu同推介我哋食邊一個套餐，可以試吓唔同grade肉質味道。我哋揀咗一份A5黑毛和牛同埋一份赤身肉黑毛和牛，因為員工推介第一次食，可以一份試吓入口，即溶嘅油脂味而另令一份就可以試吓個濃啲嘅肉味。每份套餐都會跟前菜、三片選擇嘅肉類、白飯、蔬菜鍋、烏冬同埋甜品，非常豐富。前菜5/5⭐️四款都幾好味，印象最深刻嘅係個牛肉他他因為出邊較少食到同埋佢係一啲都唔腥，不過就唔係幾似食緊牛肉。A5黑毛和牛 5/5⭐️個人偏好覺得食日本和牛應該食佢啲入口即溶嘅油脂感，所以呢份肉啱晒我口味。每一塊肉員工都會根據你喜好去燒至不同嘅熟度，第一同第二塊半生熟，入口即溶😋;第三塊員工建議我哋可以試吓燒熟少少有啲焦香味，不過總括嚟講我都覺得半生最好味🤤黑毛和牛（赤身肉) 4/5⭐️呢款同A5交替咁食,口感唔會咁油膩，肉味濃啲。白飯 5/5⭐️ (任裝😆)首先員工會建議每人
見網上對呢間壽喜燒評價好高，就同朋友嚟咗一試😬早一個禮拜打去book枱，好多時間都full晒最後book咗星期六食5:30🫠
一入舖頭已經聞到濃濃嘅壽喜燒味道，我哋二人被安排咗喺靠牆嘅二人枱，一坐低員工已經奉上一壺綠茶同問我哋嚟過未。如果未嚟過，就會介紹Menu同推介我哋食邊一個套餐，可以試吓唔同grade肉質味道。
我哋揀咗一份A5黑毛和牛同埋一份赤身肉黑毛和牛，因為員工推介第一次食，可以一份試吓入口，即溶嘅油脂味而另令一份就可以試吓個濃啲嘅肉味。
每份套餐都會跟前菜、三片選擇嘅肉類、白飯、蔬菜鍋、烏冬同埋甜品，非常豐富。
前菜5/5⭐️
四款都幾好味，印象最深刻嘅係個牛肉他他因為出邊較少食到同埋佢係一啲都唔腥，不過就唔係幾似食緊牛肉。
A5黑毛和牛 5/5⭐️
個人偏好覺得食日本和牛應該食佢啲入口即溶嘅油脂感，所以呢份肉啱晒我口味。每一塊肉員工都會根據你喜好去燒至不同嘅熟度，第一同第二塊半生熟，入口即溶😋;第三塊員工建議我哋可以試吓燒熟少少有啲焦香味，不過總括嚟講我都覺得半生最好味🤤
黑毛和牛（赤身肉) 4/5⭐️
呢款同A5交替咁食,口感唔會咁油膩，肉味濃啲。
白飯 5/5⭐️ (任裝😆)
首先員工會建議每人可先要半碗飯，費時食到太飽，不過日本米個種粒粒分明同埋煙靭感真係食到停唔到口，忍唔住想添多碗飯。
蔬菜鍋4/5⭐️
食完油膩嘅肉就食返啲蔬菜調劑下，啲菜同埋啲菇都幾好食，不過蒟蒻就麻麻哋，煮極都唔係好諗同埋都無乜味。
烏冬 5/5⭐️
烏冬煙煙韌韌同埋吸哂湯既常華，好好味。
甜品 4/5⭐️
味道又淡到濃咁食落去，另外佢哋仲會沖一壺新茶，食完甜品飲啖呢杯淡淡既茶，解一解甜膩，為晚餐畫上完美句號。
服務 5/5⭐️
每位員工到一眼關七，服務態度友善盡責，時刻注意你枱上食物同進食嘅進度，全程會為你燒肉同介紹點燒可以食下唔同味道，非常滿意👍🏻
Post
